29號

因為我之前24號交o左封辭職信~
咁上面人事部就搵我上寫字樓傾o下計~
(仲要我落場時間去牛頭角o個邊...)
haha~不過我都聰明ke~
食埋lunch~搭bus慢慢去~
成4點9先去到~
不過傾o左超耐~
佢不停咁講好多o野留我~
又話可以畀我調去其他分店做~
(cher~根本我就係唔想再做呢一行~)
最尾佢仲話遲D公司會o係尖咀開間迴轉壽司~
如果我想做o既話可以call佢~
佢話會留個位畀我~

傾完哂之後~搞到成7點先返到去~
返到去又畀我呢間個boss煩~
又係講埋同一類o野留我~
cher~之前又唔覺你咁睇得起我~
公司而家又唔係唔夠人用ar~
仲要多人到要借人去其他分店~
又話煩緊炒咩人好~
都唔知做乜仲要留我~





31號Last Day~

呢日落場時間我去o左行街~
梗係有去我期待已久o既FRAPBOIS專門店LA~
裡面好靚~個sales又超nice wo~
其實我想去買件衛衣ka~
但係o個度又冇wo~
個sales不斷叫我試呢件試o個件~
我咪試o左一件lo~
haha~好靚ka~仲要成$29XX~
最後我都係冇買到o野好運吉咁走o左~
臨走o個陣個sales仲話~
如果你想買衛衣可以去隔離間zucca睇睇ka~
o個度D衫都好靚ka~
WA~而家D咁好o既服務態度真係好少有lo~

尋晚唔知做乜鬼~
係我開工以o黎做錯最多o野o既一日~
不過好彩兩次都死好命冇事~
唔係就會好大鑊~
個boss仲冇怪我~叫我定D o黎~

咁咁o岩呢晚又係halloween~
成班廚房o個D師傅叫我落蘭桂坊~
話順便同我〝fell well〞(←唔識串...=_=)
不過傻la~我先唔同佢o地癲~
跟住諗住自己放o左工之後再坐返o係度食o野~
〝牛〞到12點先走~
點知樓面o個D同事全部都陪我食~
有D放早我1 hr o個D都等我~
仲請我食o忝AR~
D師傅又問我鍾意食D咩~
跟住整D menu冇o既special item畀我食~
埋單成$8XX~

真係超感動LO~
因為之前我係完全冇諗過佢o地會個個都陪我ka~
D黑衫仲話如果我遲D返o黎食o野~
又畀折我~又請我食甜品~
佢o地真係對我超好AR~＞＜＞＜！！！
搞到我真係超唔捨得佢o地...