今早返工前睇澳門新聞,
一名女子被扑頭遇劫死亡~

返到公司,
阿興問我有冇睇報紙,
我不以為意,
原來~
個名女子就係外圍隊~龍媽,
我簡直唔敢相信,
一個人無端端就咁走佐,
興眼紅紅咁講述比我知:
星期六晚8點幾,
興,疉,龍媽等一行8人上拱北食飯,
到11點幾,佢地過關返澳門,
龍媽話要趕11:45班車返仔(佢屋企),
所以走先一步,
其他人亦各自回家,
第二日早上9點有工作安排,
係原定時間,唔見龍媽既出現,
手提電話亦唔通,
打去佢屋企問佢個仔,
先知道佢成晚都冇返過屋企,
興認為龍媽一定出佐意外,
所以去佐報警,
醫院、警局冇記錄,
直到昨日早上才收到消息~~
黑沙環廣福祥一公園附近發現一具女屍,
身上財物唔見曬,剩返一條頸鏈及手鐲~~
所有有關人事都需要協助調查,
冇人知道事發既經過係點,
究竟當晚佢係咪直接搭巴士返屋企?
既然係返仔,咁點會係黑沙環出現?

一切既問題,都要等待法醫驗屍後才可決定~~
龍媽咁後生咁就去佐,剩返兩個仔,佢老公又去佐台灣做野~~
諗起呢度,每個人都心酸~~