6-11-2003 – 星期四

近排時時失眠, 半夜常常被媽媽的打盹抄醒, 翻來翻去多次才可以入睡, 究竟發生何事?? 今早起身發覺左眼佈滿紅根, 好恐怖, 而且仲有少少痛痛的感覺, 希望一陣沒有什麼事就好了。

今日的脾氣差極了, 好容易就發脾氣, 唔耐煩, 究竟係食太多西藥出來的副作用, 一話失眠做成的影響?? 返到公司, 無論面對幾煩既同事, 幾煩的文件, 都要勉強地擠出一個笑容, 好辛苦~~ 依個假面具希望快點可以除下, 知道收工可以見囡囡, 個心都甜番哂出來, 囡囡, I very miss you~~

將近聖誕節, 好多的魔鬼紛紛出現, 幸好一次一次被理智的天使打敗。 不可以為一時所欲, 忘記了大家的計劃, 另一邊的你不眠不休地努力, 所以自己都要理智一點, 時機未成熟的時候, 不可以亂花任何金錢。 我們還要去潛水睇魚魚, 仲要佈置dream house, 準備童話式的婚禮……..

尋日買左本相簿, 是為dream house而買的, 想由建築到收樓, 佈置到入伙, 都要一一影落來放係相簿留念, 哈~

2414 – 知道, 我會乖休息多點, 希望好番之後, 可以第一時間見到你~~ 何權峰的書的確好吸引, 有時間自己都要去看看, 你都要加油, 打敗魔鬼, 三年內完成所有計劃~ 等飲你個餐架~~ 哈~