9/8-2674

尋晚左碌碌右碌碌n耐先訓到一陣, 今早8點幾就彈左起身, 全程訓唔夠4個鐘....... 事關勁擔心佢地......出去望望佢地應該同我一樣, 都係無訓過.........

手術前12小時禁食, 2小時禁埋水.......拎定貓袋出來, 話去街街, 佢地竟然好開心........或者上次帶藍藍去睇貓黑頭, 唔駛打針, 唔駛食藥, 出去一陣就返屋企......而且見到一隻超可愛既狗狗, 佢覺得去街街係開心.................所以今次唔怕.........可惜今次出去係做手術呀~~ 希望唔好覺得我係呃佢地啦!!

幸好有朋友陪住......唔駛一人帶二隻貓貓.......call定的的去診所~ 依間診所係貓舍介紹架! 仲介紹左個醫生比我添, 話全間貓舍既貓貓都係經佢做desex, 手勢好好, 叫我放心。因為之前怕佢地做完手術唔習慣, 所以專登去買左貓貓香薰, 點定全間屋架啦!! 無錯...我係緊張大師~~

p.s. 睇下藍藍做完手術個不滿樣...........................

本應唸住用膠板分開佢地, 唔想佢地整到對方既傷口, 點知分開佢地係咁喵, 好慘咁喵...........最後都係放番佢地同一格啦!!

辛苦哂朋友仔.......唔係有你既幫忙都唔知點算囉..............因為湊佢地出去無問題, 做完手術返來先有問題, 藍藍發哂狂.......勁唔開心呀!! 周圍郁, 係的的度郁到貼傷口塊膠布都甩埋呀!! 好彩有朋友睇住叮叮炸......我先可以一心一意照顧藍藍~~

一直以來擔心藍藍既問題出現啦!! 事關佢有伸利既習慣, 醫生話貓貓唔應該會伸利架....所以做手術落麻醉藥之前, 做下body check, 同埋照下心臟x-ray先.........出來心臟真係有少少問題, 好彩醫生話唔算嚴重, 只係藍藍比較細膽, 唔嚇得, 同埋要放多點時間去照顧佢....同埋今次落麻醉藥既份量會控制, 仲要落一種完全對心臟無副作用既藥..........看來花多點錢做body check都係件好事..............因為最最擔心都係麻醉藥...一般如果我唔講藍藍有問題, 亦唔做body check先, 醫生就會按一般做法落麻醉藥架啦............原來藍藍係唔受得架!!

叮叮都有做body check, 出來報告係好健康~~ 所以唔駛照x-ray, 但係佢地都要吊鹽水..因為成日無食野..............見佢手仔吊鹽水既傷口好深, 我肉都赤埋呀~~ >.< 打左你地身, 痛在我心呀~~ 咪講笑...........

一般貓女做desex手術$600+吊鹽水$200 x 2 = $1600...加埋body check, x-ray, 最後埋單成3k幾......仲要買左盒勁貴貴既營養粉......不過換來安心係, 見番叮叮同藍藍個一刻............佢地無事呀!! 醫生做完手術都有打電話比我, 講番手術情況~

根住就係10日既休養期, 你地要乖乖地, 之後可以拆線就一天都光哂啦!!