美國短毛貓 - Blue Silver Tabby (女仔)

生日: 2011 - 1- 6 (記住生日送禮物比我呀)!!

全名 :- 藍山公主 ; 簡稱:藍藍 (近排因為太百厭, 主人只會叫我肥妹 / 死肥妹), 所以....叫藍藍係唔會應你~

脾氣超臭, 超百厭, 一放出來永遠唔會停去攪攪震, 係一隻壞事做盡既貓貓~

養我真係要超花心機同耐性, 記住千萬唔可以打我, 我好記仇架, 所以一定一定要用軟功, 慢慢感化我。

感化還感化, 我只會意見接受, 態度照舊 坦白講二腳伸直既貓貓, 養之前真係要唸清楚。  哈..好彩主人唔知道我係咁百厭..............因為佢買貓貓個陣, 我既表現好好架!! 超乖超靜, 訓到好甜, 仲好嗲添..........所以好快主人就受騙對我一見鍾情~~ 唸都無唸就買我~ 成功!!

第一次養貓, 就養左隻超百厭既貓, 第一次見面已經攪到我周身屎..............個陣心感不妙, 後來先知道你係咁百厭......個一刻心情簡直跌落谷底~~

岩岩回家, 你既性格又百厭又驚青, 咩都驚一餐, 一驚就係咁抓係咁咬人.......唉........初初比你抓到對手損哂.........當然比你咬過好多次, 好彩無流血

正所有一物治一物, 我真係有今日~~ 相處二個月多, 慢慢開始了解你~ 藍藍都係一隻好得意既貓貓, 媽媽永遠都咁愛你~~ ^^

不過....唔好再發脾氣, 一嬲就訓係砂盤, 真係有相為証................砂盤好dirty, 唔好再挑戰我既底線, 我對你既底線已經係低處未算低.............

乖乖啦!! 下個月你地半歲大..............大個囡囡架啦!!

感恩係.........已經唔會周身屎屎, 乾淨好多好多啦~~ 同埋無咁驚青, 知道我係主人, 唔會抓我同咬我, 性格好溫順, 不枉媽媽日日湊住你地, 陪你地成長~

最窩心係佢會陪你睇電視, 望住你傾電話, 煮餸, 總之你去邊佢去邊...........差實佢會唔會以為自己係一隻狗?? ee