22/5-2595

經過上次診所永世難忘記之後, 今次做足準備~

(帶定n咁多個膠袋, 尿布+手套+一大包濕紙巾) 慎防屎屎妹出招~

book左4:40p.m. 去番太子29號鋪睇, 鳴謝老公朋友專登入來車我地出去~

未出門口前叫極叮叮去洗手間都唔肯, 真係怕出事..........反而屎屎妹藍藍就去左3次.....應該無咩問題~~ 可以出發~

唔知點解只有叮叮肯入貓袋, 所以老公負責拎貓袋, 而我就抱藍藍出來睇風景.....睇來藍藍幾鍾意遊車河~

去到診所打開門, 真係想嘩一聲......細細間診所竟然有7,8隻狗, 仲要係大狗添........好驚呀~望望得叮叮,藍藍係貓貓炸......等左一陣有隻屎立沙發狂係咁吠, 想同隻大狗打架...唔好話貓貓會驚, 連我都驚添呀~ 咪講笑.......一打起上來, 7,8隻狗一齊打.........點收科....最後都係企出門口等算啦~~

等左個幾鐘先到叮叮,藍藍, 入番診所望望堆狗走哂啦~ 開始有貓貓主人出現, 係一隻英短叫雪雪, 3個月b女, 超得意, 純白色, 手掌仔係粉紅色架, 超乖, 仲肯比我抱添呀~~ 反而藍藍唔肯比陌生人抱..........(真係衰女)~~

藍藍, 體重比1個月前重左一倍, 肥妹真係肥妹.........唔好以為大大隻隻仲係家姐, 會好大膽, 一打針既時候, 六親不認......驚到咬左我一啖好彩細細力無流血.........

叮叮, 反而好乖.........係探pat pat唔合作, 打針就好乖.........

打完針出去見到雪雪, 點知藍藍竟然惡到係咁fee............(好失禮呀)~~

最後call的的返去..................老公朋友比左張卡片我, 話去元朗睇...一來唔駛出咁遠, 二來有咩急病都有間近少少既診所, 因為出太子真係好遠, 一程的的$200, 來回都要$400.......搭巴士一定唔得.......因為藍藍唔肯入貓袋...........正一富貴貓, 只肯搭的的, 同私架車~

好彩今日無發生屎屎事件......................都叫抵讚啦!