9/5-2582

倒數老公回來的日子不遠, 要努力清潔先得啦~ 今日大洗洗手間, 放埋新香盒, 掂哂.....可惜馬桶塊板爛左, 入面個泵好似壞壞地, 唔識浮起, 攪到d水漏左出去, 打開整一整好似好番少少, 希望捱多幾日, 等老公返來先好再壞................

上圖人物:叮叮

地點: sofa角落位置

近排叮叮鍾意係sofa底收埋自己~ 除左食野, 飲水, 同埋玩之外, 其他時候都收埋自己~ 佢既私人新地盤, 藍藍唔可以內進架~

就係因為衰妹有依個新習慣, 所以日日拖地, 吸塵都要拉開張sofa...............唉......... 

另外一個新浦點就係sofa後面既落地玻璃位, 平時比窗簾遮哂, 好少打開........估唔到佢地咁識野, 係度望街..........風景真係一流架~~




不過望還望, 唔該唔好再對付我d窗簾..........好貴架~~ 真係無錢再買...................所以宜家唔止sofa底, 仲要打掃埋依個位置.............真係全日做家務都唔掂~


上圖人物:藍藍

地點: 茶機底

叮叮霸左sofa底, 屋入面無其他地方真係有個底比你訓...............哈~ 佢竟然唸到茶機底~ 所以近排藍藍痴我好多, 因為坐係sofa既時候, 佢就係隔離~



原來藍藍嗲起上來真係好可愛架~~ 反而叮叮依排鍾意收埋自己....唔痴人, 一抱上來就反抗, 抓到損哂..............幾時藍藍同叮叮調換左架??

影漏左一個浦點, 就係麻雀抬底...........哈~~

今日超忙超辛苦, 洗左幾轉衫, 床單, 拾房, 洗手間...............吸塵, 拖地..........仲要照顧你地!! 好累~