有相為證, 超百厭藍藍, 真係睇少一眼都唔掂, 回家幾日就已經識上籠頂搵玩具玩........講極no都係咁, 咩方法都試過, 仍然我行我素..............help!!




最慘係話二句就擰轉頭唔望你, 又或者返籠唔出來, 超有性格~




咩都玩一餐, 做盡壞事, 帶頭教壞叮叮, 食豆腐砂, 抓野, 跳高跳底..............身為姐姐唔做個好榜樣不得止, 仲教壞個細...............




點解要帶圍巾, 手袖, 就係因為大小姐發脾氣唔係人咁品, 係咁抓你, 有陣時仲想咬人添.......




真係想打電話去貓舍問, 究竟你係唔係純種貓?? 點解叮叮咁乖, 你咁恐怖?定係自己要求高, 你已經叫做好乖??



幸好擁有一個傻更更既樣,毛色紋理都好靚, 個樣的確呃得下人..........但係唔好持靚行兇? 乖d啦, 連老公都知道如果唔要貓貓, 第一個一定會放棄你, 你既衰野, 連咁遠都知道, 收歛下啦....



初初以為會讓細妹, 原來錯哂, 宜家食野要食先, 玩具要爭住玩...........惡到出哂樣............真係要好好教下你!



最慘係自主心強, 唔比人話得, 話二句就發脾氣~ 唉............都唔知似邊個?

幸好.............或多或少都知道我係主人............................感恩囉~