8/3-2520

晚晚臨訓睇幾頁貓貓書, 終於睇完啦!! 如果未買貓貓之前睇依本書, 相信會打消買貓貓既念頭, 因為書中介紹得太詳細, 生, 老, 病, 死, 全部都有講...........照顧, 打理, 相處更加講得好詳細, 詳細到有點驚...........養貓貓可以好簡單, 亦都可以好不簡單, 相信依本書係介紹好不簡單個隻........望見張貓用品list, 即時o咀.........醫療篇更加驚............

希望只係開頭個筆費用, 用品........慢慢習慣就無野啦!! 同埋貓貓係獨立既動物, 相信無養狗狗咁麻煩,要日日帶落街散步.........不過養狗亦都有養狗既樂趣, 就係帶落街跑步, 相信一定係減肥既好去處......哈!!

貓貓唔可以出街........亦都唔會想出街.........依個就係佢地啦!! 睇完書覺得自己真係有點似貓.....永遠都唔會聽人講, 等價交易, 有野食咪聽下你講囉.....都幾現實!

星期二下次都係唔出街, 事關太多電視節目睇, 明珠台930做貓痴之旅, 好想睇, 可惜係娘家, 好彩大哥唔係屋企, 可以爭到睇一part........所以唔鍾意同人住就係咁解, 想睇一個節目都睇唔到.....嗚~~~~~~

因為屋企人無人愛貓.............如果仲同屋企人住, 一定養貓唔會成功~~ 只可以間中去貓貓cafe, 或者去朋友屋企睇貓, 以解貓貓單思之苦.............

坦白講睇別人既貓貓, 始終唔及自己擁有............

睇完二本貓書, 開始認識究竟貓係一個咩東東.............觀察!! 觀察!! 觀察!! 等活寶貝回來慢慢觀察~ 始終未知道佢地係咩性格.....等陣係破壞王就麻煩~~ bb貓最百厭........希望可以係你地身上, 學會容忍, 包容...........同埋原諒啦!! 等我既惡霸性格改下.............^^