24/2-2508

由於準備活寶貝回來, 所以近排除左睇書之外, 仲晚晚上網搵資料.......(真係勤力過以前考會考)~

本來想搵有關飼養貓貓資料, 準備, 基本知識.....但係上網一打貓貓, 即時有好多好多私人網頁彈出來, 入面太多都有貓bb出售.....由千元至幾千元不等。  望真一點, 入面既貓貓好多都係混種貓, 仲要隔幾個月就出售1次, 就係因為依班人自私出售貓bb, 攪到周圍都係貓.......要慈善機構去接濟牠們, 唔怪得咁多留言版愛貓之人都講, 唔好再買貓, 要養去領養啦!!

希望政府快快立牌, 要有牌先可以出售貓咪, 仲要嚴格監管貓店, 確保所有貓咪都健康成長, 唔會因為猛生bb而影響身體~

一隻貓bb咁值錢, 唔怪得咁多貓販係咁逼隻貓, 生呀生呀.......

所以我唔會比活寶貝做搖錢樹, 會去做desex.......初時覺得咁做好殘忍, 但係唸深一層, 比佢地生, 之後既bb呢?? 賣比人一定唔會, 送比人, 又有邊個有心人收養?? 三唔識七既人又信唔過.........所以都係算!! 無謂又多隻棄貓...........

睇番資料, 近親配種, 某d貓種mix埋一齊, 都會生出有缺憾或者病既貓貓架.......唔識就唔好亂配種~ 留番比有專業資格既人去做啦........所以應該立法監管呀!!