20/2-2504

天氣仍然又濕又凍, 坦白講真係唔願出街..........不過為左貓貓, 凍就凍啦!!

先去書店搵貓貓書, 查實近排晚晚都有上網搵美短資料, 希望可以學識點樣養牠們.......

依本書介紹得都唔錯, 由認識貓貓開始,到拎貓咪返來應該有咩準備, 點樣同佢地相處, 點樣教佢地.......等佢地可以聽聽話話, 健健康康快樂咁成長...........

最重要係同貓貓之間建立互信關係, 互相尊重......所以唔會當佢地係寵物, 而係活寶貝呀!! ^^

買完貓書之後, 第一樣要買就係貓籠~~ 好多朋友都講貓係唔駛困住, 但係基於好原因, 都需要買個貓籠, 事關對貓仲係bb, 唔知咩性格, 乖唔乖, 可唔可以獨處係屋企........同埋將來生bb都應該比佢地習慣係籠生活.......就由bb開始教起........比佢地習慣一下應有既規矩。  而且二隻貓貓, 萬一一隻有病都有個籠做隔離..........上網搵左好多資料, 原來好多人都有買貓籠....而且仲有好多款式添呀!!

貓籠有金屬, 有膠........金屬比較易生秀, 以前養過倉鼠都知道, 金屬洗二洗好快bye bye! 而且金屬籠比較有點似籠屋既感覺, 設備麻麻, 所以睇左幾間都係取消依個念頭, 雖則價錢真係好平........

台灣網好多貓友推介日本既iris籠, 有單層, 雙層, 三層, 而且有6系細小小款式, 仲有8系豪華舒適版, 問過貓舍, 原來佢地都係用依個牌子, 仲話好多客人都係買依款貓籠, 因為質地比較好, 耐用, 易洗, 日本造, 有信心保証.............

估唔到依個品牌既籠咁難搵, 行哂全條金魚街, 一間就話要訂, 唔知幾時有, 另外一間都無現貨, 訂要一個星期後拎........行到累, 為左慳錢買個好點既籠, 所以排隊食茶餐丁, $30幾蚊一個dinner, 抵呀~~ 睇怕將來都係要繼續節食縮食...為左貓貓生活好一點............

係萬念俱灰想返屋企之濟, 唸住去多一間寵物店就走.....朋友話依間寵物店係賣狗bor, 我答是但啦,都係問一句, 點知遇到個好nice既小妹妹sales, 一聽到貓籠? 話你跟我入來望望係唔係依款, 估唔到間shop有角樓, 應該唔比客人上去, 但係竟然上面擺左好多貓籠, 而且仲有iris貓籠display既三層同二層添, 終於唔駛估估下究竟個貓籠係咩樣, 夠唔夠養二隻貓........原來實物都幾大架, 二隻貓一定夠位置.......個小妹妹仲講個籠咁大, 放埋貓洗手間都可以.......唔駛擔心唔夠位..........

而且依間唔止有 display show出來, 仲有現貨添, 不過佢問我有無call車?? 因為個籠好重架, 一眼就知道我拎唔到, 仲話放心有送貨, 聽日下午就可以送去你屋企, 唔駛擔心拎唔到........終於鬆口氣買到啦!! 雖則真係好肉痛...無唸過一個籠要咁貴...........但係望到實物感覺都ok!! 應該係貓貓安樂窩...............