Dermes中伏-2358
27/9-2358
幾年前join左dermes脫毛, 脫小腿+underarm+upper lip, 昂貴價錢, 分期要分足二年先還得完。 雖然係昂貴, 但唸深一層自己覺得係值得, 事關倒生毛真係好嚴重, 小腿又紅又敏感一粒粒, 如今白白滑滑......... 反而後悔唔早多幾年整添............靚多幾年嗎??
永久脫毛, 講真無野係永久既, 只係話當你發覺d毛仲未脫哂仲可以去脫, 無年期咁解.........坦白講腳同underarm清得七七八八, 係upper lip麻煩點........所以隔左年幾襯有得book就去整囉~
女仔就係咁, 永遠都係得一想二, 之前解決左急切需要先....之後就想更加靚...........查實好想脫埋手毛架.....雖則無倒生情況發生, 唔算真係好覺眼去到要消滅佢去地步.....但係如果無埋就更加好, 可以掉左部脫毛機啦~~ 而且唔會掂到隻手比d手毛覺得吉吉地........我想好似隻腳咁白白滑滑呀~ 心思思............心思思...........又中伏................
今次選擇6折果個plan要非繁忙時段, 因為唔駛佢買咩送咩啦.........一part就一part.......最緊要平, 加埋生日優惠, 碌卡2%回饋, 所以野計哂..........價錢仲可以接受.......分期分1年就可以.........即係老公返香港之前就分完.............有唸過架~~
立刻book時間係做姊妹之前脫.............反正都比左錢, 當然係早脫早著啦~~
老公聽到之後........呆左.......點解女仔咁討厭d毛, 要用天價去消滅............佢完全唔覺得我d毛好肉酸好覺眼囉.......反而覺得我無野搵錢來用..............
有陣時d野你唔明架啦................d毛對住我又唔係對住你...............總之我解決埋今次就完全滿意架啦~~ 又唔同做facial永遠無斷尾既........脫完果個位就唔會再脫架啦.......手手腳腳都比我ko囉........................
大方一點啦!! 雖知生日用哂你d蚊蚊.................唔好嬲啦~~ 最多接多點化妝job+返多d pt啦~~ 雖則補唔到d咩......起碼都有努力嗎.................
估唔到你咁又join啦喎... 我都好想整小腿呀!
嘩...又join左脫毛course, 係唔係一part都會做幾次ga?
kitty>>脫毛course係一part part計架, 你買左個part就做到無毛為止, 無限次數, 無限年期架, 做到無為止, 所以叫做永久囉!!
tracy_mezzo>非繁忙時間join有6折, 加埋生日優惠, 2%回饋計落都ok, 而且cherry話根手幫我整埋手指......小腿, 整啦..我覺得效果好滿意...宜家無哂毛, 仲好白白滑滑添呀....