20/7-2289

今早8點幾起身準備打電話訂周董演唱會, 尋日打左好耐都打唔到, 唸住今日早點打啦~ 點知1分鐘redail 6次都唔通.......激死~~ 好彩幸運之神降臨朋友身上.....可惜朋友唸住打訂尾場無哂飛, 最後將張飛讓比我~ ^^ 好心有好報....不枉問大哥借信用卡訂呀~~ 而且自己都有打架..唔係叫人打自己就咩都唔做架..只係運氣無朋友仔咁好炸...........希望公開發售可以幫朋友買番尾場飛啦~~

唸住唔出街係屋企休息, 點知無啦啦出左去睇toy 3, 原因係星期二睇戲有特價.....不過特價都要$70......確實有點貴, 好彩套戲都ok, 雖則無朋友講到咁好睇....但係都總算有笑位, 唔算好悶.......而且都幾感人, 玩具陪你成長, 長大後呢? 就將佢地遺棄........

最鍾意就係配音, 有最愛既張偉健, 劉青雲....點解唔睇史力加個原因就係無左張偉健現音...感覺麻麻........如果加菲貓無左劉青雲配音的話, 我唸自己都未必會再咁鍾意睇....所以配音真係好重要呀!!

不過唔睇番都唔知仲有joey配音, 可能佢把聲唔係太突出, 所以唔為意..^^