4/4-2010

今日好多節目, 如果可以真係想走哂三場~~

下午去孖茄生日會, 由於晏左出去, 飛的的都要行行行......結果只可以放低份禮物, 同壽星仔影左張相, 講左句生日快樂就要走啦!!

嘩..依代真係超級幸福, 生日派對超多人, 超多禮物.....唔知以為去左飲宴呀~~ ^^

之前團購既水份mask有貨啦~~ 萬分感謝...因為去counter望望一盒mask原價要$280.....優惠價真係平好多呀~~ 正.......

麥片終於有貨, 可惜要逛街街, 唔敢買太多.........
sales勁推限量版飯, 有三文魚味, 蕃茄味選擇....買左盒蕃茄, 唔知好唔好食呢?? 不過都幾貴, 一盒三包百幾蚊.....

非常失望, 之前收到TST sogo優惠介紹dior counter有買滿$950送一套美白sample.....大sample來架.....計落真係好抵, 因為夏天正正要轉用依條line, 送既sample可以唔駛買貨.......可惜去到個sales話送哂好耐啦!! 仲等人唸左好多日究竟有咩要買, 仲答應朋友幫手買埋添......>.<

最慘係問左老公拎盤川入貨......過左依個優惠唔知幾時先再有? 唉...唔通日日去dior counter望咩??

買唔到個橙就搭個吉........見到daisy既香水優惠set, 可惜係舊款, 即係屋企有個支....但係我想要支碌碌, 可以出街用......最後嫂嫂聰明..話要左我支舊款白色, 換支藍色新款比我.......

所以我就有..........岩心水既野啦!! 不過感覺counter唔識做, 咩都唔送..........

今日放血果個應該唔係我, 因為咩都睇唔岩,而且宜家玩慳得一蚊得一蚊, 應買先買....唔岩唔買......所以放血果個應該係嫂嫂......呀哥今次一定會黑我面, 話我教壞佢老婆.......^^

不過嫂嫂做野咁辛苦, 難得有時間買下野減下壓都ok~~ 如果比我日日返工做得嘔, 半年都唔知有無1次行街........真係會傻都有份呀~~

兒童節總算買左份禮物比自己!! 兒童節快樂~~