17/3-2164

考慮左好耐, 望住盒two-way就快見底, 都仍然未動身去買.....但係某日見到雜誌介紹MQ春夏限量版之後, 唔駛一日就即去買......(永遠都衰係限量版手上)~~

今次唔係SOLD OUT問題, 而係用開既00色限量版套裝係無架, PACKAGE包10, 20色ONLY~ 15/16中........突然晴天霹靂.........矛盾非常....點都估唔到竟然無00色, 又唔可以單買個盒......

最後咪買左一套唔岩色既package, 要個盒, 另外加一個用開既00色囉!! 無端端比多$260, 買左一樣明知道唔岩自己既野.......

幸好非常感謝partner......佢去counter試10色岩自己, 而且感覺都ok~ 可以接收依樣野.......真係超開心, 開心係因為唔想明知道唔岩都買一樣野返屋企........朋友又岩用, 所以我真係你岩的話...平d比你都無所謂呀!!

事關個sales問你會唔會夏天哂黑? 黑番少少就用到.......哈~~ 我真係唔想黑, 係唔會比自己黑...傻啦!! 無可能為左一個粉餅去哂黑自己? 唔係化?

經過好多次買two way失敗既經驗,宜家終於明白......如果用開既two way發覺用完之後隔一陣會變黃, 係因為你買既色深左一度呀!! 以前唔知架..永遠d sales問你想白d, 定係自然d, 我永遠答人自然d囉....咁用一排就覺得岩岩用係白淨, 隔一陣出下面油就黃黃灰灰既? 唔係盒粉有問題, 而係你買黑左一度..........

所以宜家我用mq係最白既色......而cle de peau比既sample係深一度...所以用完面黃黃...no good~~

宜家你問我要咩...我老虎蟹都答........白呀!! 唔該.......

朋友以為陪得我shopping一定又會買到好恐怖, 估唔到今日我好乖, 去n咁多個counter都係拎sample only~~ 講真樣樣野要買貨去試, 唔好用點算? 倒不如拎sample返屋企用下先....岩先買囉~~ 宜家我又唔怕周圍拎SAMPLE BOR~~

夜晚去唱K.........唱唱唱, 唱到喉嚨失聲......仲唱爆MIC要轉房添.....^^ 不過既代價就係喉嚨痛............