團拜+補祝fiona生日-2146
27/2-2146
今日好早就彈左起身, 準備出發去晴晴之家拜年.........
kobe媽見到我咁早到都好surprise......梗係啦! 好耐無見軒軒, 晴晴, 仲有kobe仔........
最開心就係大家左唸右唸唔知買咩蛋糕既時候, 竟然有新鮮蛋糕送來....d芒果好甜好甜.........補祝fiona生日快樂!! 晴晴唔準蝦媽咪...要乖乖呀~~ 而fiona就越大越靚女, 身體健康, 事事順意......最緊要係快快計劃幫晴晴生個細佬/細妹.............^^
kobe b 2個幾月啦!! 上次見佢個樣同今次好唔同.......白白滑滑左.......見到真係好想錫佢..........
kobe媽就成為左我既偶象......佢一個人第一胎, 敢帶kobe仔周圍走...而且仲係一位潮媽, 生完同無生一樣咁瘦, 而且最緊要係湊仔湊得佢好hea....好勁呀!!
望見班小朋友真係大得好快.....好熱鬧~~ 亦都明白湊仔既辛苦......依代真係唔同我地以前咁成舊飯..唔駛湊.......
派利是比小朋友係最開心, 雖則佢地應該未知道係咩...但係感覺係好開心....
由於住係晴晴附近所以好快就返到屋企...燙衫收衫.......哈~~ 出去玩都有做家務架.......而且今日條腰好番好多, 膊頭都無咁痛.......成個人鬆哂..心情都開朗哂...又同bb玩........正呀!!
而且傾計之中大家都有講及基金, 人壽, 保險........我都覺得應該幫bb供番份保險, 等佢大個左可以讀書用........老公聽完係度笑........bb都未出世.......唔駛咁快唸定買呀?? 咁人地想早d計劃早d蓄錢早d收成嗎.............
因為我咁大個女都無玩依家野.........有1蚊就用1蚊, 攪到今時今日好似好失敗咁........睇來依種生活都要改改.........
哈哈, 係呀bb出左世之後同佢買份保險都好架, 有可以儲錢, 你老公搵咁多, 你都好應該儲下錢啦! 積少成多嘛!
你濕毒就唔好食芒果呀, 芒果都係濕熱架! 少食為妙!
佢話等有左bb先買bb保險.......都未有就咁快唸定..其實每個月供500蚊唔多呀!! 到時你都要買番份呀!!