13/1-2101

睇雜誌介紹佐敦火鍋店, 所以出去佐敦逛逛.....

老公問點解買家品要去到咁遠永安買.......答案只有一個就係集中囉, 而且防蟲片永安先買到大盒優惠裝囉~~ 一向買野都唔會唸究竟拎唔拎到, 又或者究竟係唔係要拎好遠架啦!!

童心未泯, 一向都鍾意逛精品店.........每次去都想買番少少野......最愛係買卡通file, 真係好靚..........今次見到kuromi簿都幾得意, 但係買完真係唔知究竟買來仲乜?? hee......

逛完永安就去搵火鍋店, 食完之後.........唔想返屋企, 唸下場, 近近地去左唱k.......哈!! 老公真係唔夠我玩, 去到k房竟然訓覺.........而且今晚都幾黑仔, 遇到停電, 仲要停左成半個鐘.......一個人悶到發毛呀!! 幸好半個鐘後有番電, 可以唱歌炸.............

老公問, 你真係好鍾意唱k, 一個人唱都可以唱咁耐, 而且今晚無叫酒飲...真係飲檸茶就由11點飲到凌晨4點幾.......唱到4點幾已經失聲咁濟......真係要叫埋單呀!!

今次好清醒, 想去搭van仔, 同老公深夜逛街去搭車又幾舒服bor......不過上左車先記得.........我唔搭得van仔架......短程仲可以, 長程會嘔架........我有暈車浪架...............所以忍到天水圍未到屋企已經要叫落車.......好想嘔好辛苦要轉的的.............

真係唔可以怪我敗家, 每次深夜回家都要call車.........巴士仲可以, 小巴真係搭唔到架.........笑我都係咁話呀!! ^^