2010-01-20 01:28:44比比
**極品王海鮮火鍋小菜**
極品王海鮮火鍋小菜
地址 : 佐敦吳松街182號榮國中心1樓
電話 : 2878 8002
正所謂辛苦搵來至在食, 睇飲食男女介紹, 佐敦有火鍋食, 而且仲要係食海鮮為主, 岩哂我......
同老公搵左好耐先搵到依間火鍋店, 原來就係牛皇星鈄對面, 上一樓....
欣賞有卡位, 座得都幾舒服, 而且店員都幾細心, 不停咁招呼你......雖則睇openrice有人覺得係壓力, 但係我唔覺.......覺得有人同你換碟, 寫野, 介紹有咩好食, 態度有禮貌...我好受依一套架!! hee
今次點左雜誌介紹既泡菜海鮮湯底, 入面有蝦, 蟹, 花甲等等, 泡菜可以分開上, 即係海鮮湯囉~~ 蝦好鮮甜, 蟹就普通.......
自從係不倒翁食過象拔蚌之後念念不忘, 食左好多間火鍋店都食唔番個一種鮮甜, 估唔到依間既水準唔錯呀, 雖則好細碟, 但係真係好好味.....正所謂好食既野唔駛多.........
而且有刺身, 唔駛去小肥牛, 依間都有刺身, 下次要試帶子刺身先得....openrice d人激推.........
樣樣野都好好味, 同老公食得好開心..雖則埋單接近1k....都算中價火鍋店, 但係起碼食完都覺得依餐係值呀~~ 真係想再反兜添呀~~ 下次呀.......希望依間火鍋店可以keep番今日既水準, 唔好令我失望就好啦!!
good~~ 食好野......真係超開心.................^^ 所以依個老婆真係幾難養架....
上一篇:**老闆食飯-2087**