26/10-2022

漫無目的完全唔知究竟想整咩甲.....只係唸今次想整深紫色~~ 整左幾次黑色開始有少少悶........

見到甲書有對anna sui甲甲, 又真係唔錯bor~~ 一向都鍾意紫色+黑色....畫既時候唔覺, 由於甲身加有閃片, 只係見小玲不斷咁拼拼貼貼,初初以為好似閃粉咁隨意加, 點知......身處朗豪坊天梯既時候, 由於場地黑黑咁...望望對甲見唔到入面既花, 只係見到d閃片好似流星咁.....小玲細心到連閃片都有次序去加......

依對甲甲只係有太陽既時候, 先會見到d花....無太陽既時候就會閃閃下.....好似有d野, 又無d野咁..........神神秘秘既感覺, 我都幾鍾意呀!! 應該望1個月未必會厭............

有陣時自己都幾衰, 好易生厭一d野..特別係畫得比較清楚既甲款...過多2個星期左右我就想換甲架啦~~ 睇來今次唔會lu~~

收到bourjois既e-mail話朗豪今日全新開幕, 憑e-mail+vip卡可以去拎支e/s掃......小玲都話真係有掃送都早早送完啦......唸住經開咪去問問囉..點知唔駛vip卡, 佢只係收左張e-mail紙, 留左tel no. 就比支掃你......感覺良好呀!! 總之forward比大家啦.......多支e/s掃都好..而且d毛唔算好差呀~~

夜晚同朋友去ceo唱k........ceo的確唔同d, d野食都好味好多, 而且款式又多, 又有獨立洗手間, 感覺乾淨d......唱唱唱..........食食食......正!!!

 

多謝朋友咁有心, 得悉之前唔開心, 唸住陪我唱k, 發洩下..其實我早前已經買野發洩左....anyway thx~~