26/9-1992

唔駛去美食團都可以玩暴食~~

平時晏起身, 可以5,6點都唔食野.....今日唔知仲乜, 好肚餓, 約朋友4點逛街...急不及待701都唔想等, 飛的的出去..原因係好肚餓........真係好肚餓, 可惜間間餐廳都勁多人.....望望有一間無人, 即入去~~ 朗豪開左咁多年, 真係未食過依間扒王之王...

好滿足食左個豬扒餐, 又湯又包....朋友食到叫救命..而我仲有胃口去食滿記...問你服未??

見到dior又做promotion, 忍忍忍, 雖則盒night cream就快用完, 但係好想好想用埋屋企d sample先~~ 唔想又堆堆堆.......浪費~~ 仲有jurlique買左d野又未開........再放又過期~~ 支洗面已經過左期, 浪費到拎去沖涼.....

左逛逛右逛逛都無左購物慾, 之前訂既兔兔環境袋又未返貨~~ 陪朋友逛shop既時候, 望望見到有條短褲又唔錯, sales話係游泳褲.......試試試, 望落係靚, 著上身好怪, 唸住走既時候, sales話不如你望望新款, 新返依批cutting靚d, 款式又靚d~~ 真係想買7折野都唔得.......最後都係買左條新款~~ 事關.....唔駛時時單著比比...又發生上次蘇梅可怕經歷, 起碼依條短褲係落得水呀!!

幸好信用卡都有9折.............咪睇條褲仔......都300幾蚊架~~ 買一套比比都差唔多~~ 不過比比又無睇中............

食食食..又點止食咁少............夜晚仲勁...............車仔麵都食到反肚...................朋友都問, 駛唔駛咁大食...因住又食濟.......