胡同 Hu Tong

地址 : 尖沙咀北京道1號28樓 英文地址：Hu Tong
28/F, No. 1 Peking Road (Tsim Sha Tsui)

電話 : 3428 8342

類別 : 京菜 (官府菜)、中菜館、海鮮

"米芝蓮一星"餐廳, 究竟有幾巴閉? 上次去walk-in已full, 訂窗邊位要早2-3個星期訂?? 不過老公親口話早1個星期訂既時候, 個waiter答應佢肯遲半小時上來, 就有窗邊位, 點知上到去又話安排唔到。 望望窗邊位全部都係西人? 唔通胡同只招待外國遊客?? 後來睇番openrice先知道依間飯店出名招呼差, 扮大牌...........早知就唔去食啦!!  真係想去"米芝蓮"web投訴, 等佢仲可以有一粒星??

 

餐廳環境好黑, 好似R66咁主打係海境, 感覺AQUA好少少, 起碼服務好D, 感覺貼心點......最攪笑係個MENU.....中唔中, 英唔英, 無論係香港人, 外國人都要搵個人問, 究竟D菜係乜東東, 點煮.................

 

前菜比較創新, 雪海白玉 (Scallops Tossed with pomelo segments)

單睇英文先知道係有帶子+柚子, 究竟係咩東東, 要問問先知道....個waiter答得都ok~~ 咪係帶子上面有柚子囉........即係熟定係生? 係熟架!! 個mainpoint係熟囉~~ 感覺又幾perfect match.........幾新口味呀!!

 

Sweet Port唔錯.......其他食物好普通~~ (夜上海)仲好食~~

價錢就最昂貴~~ 一個前菜+三個菜+一個noodle+二杯野飲+二款甜品, 埋單要千幾蚊, 平均500-600一個人~~

 

咁既價錢咁既服務質素......同埋8:30p.m.去到, 睇埋menu 9:00左右落單, 食哂以上既野, 同埋甜品, 只需要你1小時唔駛..係唔係快過去茶餐廳呢?? 好趕客.......收野, 送野超快..............感覺唔到真係享受緊食物~~

 

同埋接受唔到嚴重大細超...外國遊客就係客, 香港客就唔係客........間餐廳係香港架, 影響哂aqua group呀!

 

如果唔係農歷生日唔想掃興, 老公發爛booking既時候, 我真係想走架!! 真係唔信有錢就食唔到一餐飯..香港真係得一間胡同~~

 

 

最後去埋依個鬼屋洗手間, 真係超驚嚇, 望望本口已經唔想入去, 一打開門仲恐怖, 又黑又有一塊殘殘舊舊既全身鏡, 仲要係好舊唔係太清個隻................

 

入到格仲恐怖, 係一個好難關係門lock, 即係好似古時既大門咁, 要二邊關好之後中間lock一條木(整左好耐先關到門)~~ 初初都感覺好少少, 三格入面有二格都有人, 仲要係香港女仔有講有笑.......之後佢地走左....全個洗手間得番我一個...............突然笑聲不在, 好靜靜到好驚...........

 

無聲仲好少少, 無啦啦有把鬼聲.......唱住胡同.......胡同...........國語.........之後望望度門關左都有少少門縫望到出面架....又係望到果塊鏡......咩都睇唔清..有少少影................嘩..個陣真係想喊左出來呀!!

 

及後去完洗手間, 快快手是但洗..就飛奔出去, 幸好老公企係女洗手間門口, 一打開門就見到佢..............講救命呀...有鬼呀~~ 仲等人唸住入去洗手間貼膠布......最後連手袋都未關, 就快快走.....................

 

我唔係鬼新娘呀~~ 人地仲要著全黑裙+紅色鞋...............長頭髮......望到塊睇唔清自己既樣既鏡..........咪話唔驚.......................

 

轉字頭大個女..........第一次咁比個洗手間嚇法...你估係萬聖節咩??