23/9-1625

好早老公已經出左去同老闆飲茶; 訓醒無啦啦收到電話, 4點幾可能會掛八號風球?? 望望出面雖然天氣麻麻, 但係又未至於咁誇張? 掛八號呀? 人地仲要出去整甲甲架............

老公飲完茶, 就一直係旺角等我, 咁見又無乜雨, 又未掛八號, 如常出去整甲甲。 (查實如果老公唔係度等我的話, 我一定唔會出去)~~ ^^

4:30上到去, 唸住老公係附近等我, 整個簡直款式啦!! 整整下6點幾正式掛八號, 真係嘩啦啦打到來.......第一次打正風係條街度, 好驚呀~~ 見到招牌被風吹到郁來郁去, 本來想食埋飯先走, 望望唔多對路, 快快搭車返屋企好過。

坦白講, 好怕大風大雨係條街度, 就算有老公係身邊都係咁話, 雖則安心好多, 但係仍然都好怕好怕.......安安全全搭西鐵返去tsw, 望望無雨....我們可以去銀座食飯飯......順便去超市入貨添....相比九龍既招牌, 依度安全好多呀!!

但係估唔到買完野之後, 個風終於打到來.......橫風橫雨開遮都唔掂, 於是大家都變左落湯雞.......幸好近近地好快返到屋企炸........

今晚雖則打風, 但係我一點都唔怕, 因為有老公陪住我, 出面打風, 而我們就打牌.........^^ 最後又係老公做左大輸家.........事關邊敢贏我錢呀!!

不過事日經典係, 老公打風先來買光管; 原因係....想係走之前幫我換左排燈.....雖則用心良苦, 但係唔知既人, 真係覺得幾九唔搭八........^^