26/7-1566

比老公咀咒 - {{無論買咩, 食咩, 做咩都好, 千萬唔好賭錢}}
攪到打下麻雀仔都出事, 黑仔到暈, 打咩中咩, 簡直做左清兵.....(>.<)~
打八圈輸足八圈, 好彩最後比我開到糊, 自摸七番....輸得無咁甘炸.......

中午去左跳belly jam, 同一隻舞, 再跳比上一次好, 但係左擰擰右擰擰, 對於無乜儀態既我, 都有點難道......但係miss教得好好....^^

夜晚就打牌, 打到凌晨點幾, 一個人行去巴士站都有點怕, 估唔到凌晨有咁多人等巴士, 架巴士仲要滿座, 企滿人添......最後都逼到後排位置, 可惜係熱到發燒......好辛苦先返到天水圍轉車站.......再等的的返屋企.......

連的的司機都講, 你地依邊真係好靜, 幸好遲下起左咁多樓, 希望熱鬧點......其實住咁偏都係貪佢夠靜.......唔知遲下d樓起哂會變成點呢??

入夜真係寧願得很.......不過偶然既寧靜, 心境都舒服一點..所以我愛夜晚........^^