18/11 - 1315

相信自己大婚果日都無咁早起身.....六點鬧鐘響..望望出面天黑黑....(以為自己發緊夢添)~~ 跟住起身沖涼換衫出發.....七點半未夠就落到樓下既巴士站等車....(唸住預1小時鬆點應該到達)~~ 點知食左半個鐘風都未見到架巴巴...心入面越來越覺得唔對路...咩車都有..係無依一架, 望望個牌又無寫假日唔開....但係有張notice貼住什麼假日唔會有早上特別車....(心唸)~~ 又唔係搭特別車........望望手錶差唔多八點......好驚~~ 見咩車就上咩車.....

結果搭969出去九龍站轉的的去洲際酒店~~ 遲左半個鐘.....唉...一打開門好似打仗一樣, 兄弟, 姊妹, 雙方屋企人係哂間房入面.....由於洗手間新娘化妝中, 姊妹們就要逼係出面化妝.....地方好細人好多, 簡直豁出來...唔理身邊有幾多人望, 有幾多人唔該借借, 不斷搬化妝品周圍走位...比新郎哥追住問得未.....極速化完一個姊妹....唸住拾野既時候....入去洗手間..見到partner...繼續化妝, 一個仲企係浴缸上面同人set頭......場面真係混亂...

唔好意思遲到攪到要partner化多個女仔....趕上加趕....第一次出朝早job~~ 經驗嘗淺...下次會醒目一點搭西鐵唔去等巴士架啦~ 寧早莫遲.....另外二次出job都要打的的.....哈..改改個壞習慣~~ 以為搵埋都唔夠蝕~~

鬆一口氣落番lobby洗手間,打開門.....大到不得了, 有化妝間仲有sofa..總之叫班姊妹落來化妝啦....肯定舒舒服服..又大又乾淨..企10幾個人都仲ok~~

跟住去太平洋cafe食少少野.....坐低抖陣, 之後返lobby等埋其他姊妹去同新娘子影大合照.....

唸住開開心心去半島high tea點知好多人排隊...轉去喜來登...又未到high tea時間, 最後好累..入去叫menu算.....點知驚人既意大利粉...pizza....下次真係去pizza hut仲好..........

又重又累又眼訓....好想返屋企~~ 突然收到call sogo crazy offer, join埋朋友去望一望...先覺得自己都幾失敗...見到ck, chevigon好抵.......但係望望究竟老公著咩size.....完全唔知道~~ 人又多, 場面又混亂...最後giveup......都係上去等巴巴返屋企好啦~~

除左對3吋豆擰高跟鞋, 放低勁重既化妝袋.....達係sofa郁唔到......
以前總有周日可以休息..如今都要出賣埋依一日........辛苦........
終於身同感受到..什麼叫做唔辛苦邊得世間財......

光看別人沒有用..當你身在其中就會明白到多一點....宜家明白男人出去搵錢真係好辛苦.....^^