第八天 - 布魯塞爾>阿姆斯特丹(荷蘭)>玻璃船遊荷蘭運河>鑽石工場>堤壩廣場>紅燈區

荷蘭?? 即時唸起風車屋, 寧靜, 漁村...估唔到有紅燈區? 夜晚係咁雜?? 大麻軟性毒品係合法?? 恐怖.....真係日係天堂, 夜就係地獄...當然個人只欣賞日方面.....

荷蘭感覺天堂一面同瑞士差唔多, 好舒服, 人好nice....而且仲有好多精品買, 好抵好靚, 可惜估唔到有中國作風, 間間shop唔同價, 呃我錢..嬲..嬲..嬲..最後蠢左次, 之後識得格價啦~~

玻璃船遊荷蘭運河, 估唔到前身同威尼斯差唔多係夠水路出入, 有水上屋..好得意....氣氛唔錯, 仲有時間比我地試下渣船影相添...可惜..唔夠小朋友爭...(而且怕羞)唉..無方向感咪嚇親街坊......

全團唯獨介紹商品, 去鑽石工場講解切割鑽鑽過程, 點分grade?? 估唔到出左200個切割面..(科技厲害)之前買九心一花都係100, 宜家去到200lu~~

介紹完例牌入房, 為左安全理由入左去就出唔番來, 而且個度運送鑽鑽好攪笑, 放係個蛋入面, 用管直接send上send落......全團人都係睇既心態, 有一位太太買左1卡鑽鑽...不過個人覺得買貴都係返香港搵熟人買, 或者幫襯大金鋪...同埋要有GIA CERT.先保值.........

最後都有幫襯買左一粒0.05份既鑽鑽EARING?? 點解買?? 因為佢係RIVER同埋完美LEAVL....(人生終於擁有一粒最高GRADE最完美既閃閃鑽鑽)雖然係細粒D..HEE!! 總算有.......^^ 老公買左比我LU~~ 加埋之前求婚果對, 岩岩3個孔都有EARING....其實都貴架...2K幾買隻咁既野?? 連塵都大個佢...不過暫時又買唔起依個LEVEL既大野......唯有要住先......

食完DINNER, 領隊帶我地去紅燈區, (全程唔比影相), 怕令到當地人不滿.....影響人做生意......

不過我地既大大架巴巴就發生麻煩事, 入左細路出唔番來...最後出動警察協助交通(嘩...未試過發生咁既場面)好似政要出場咁, 封哂路....真係威..幸好最後都掉到路炸...以為..今晚都唔知點算......

紅燈區個意思係(應召女郎)合法, 亦都有個另名(窗廚女郎)企係玻璃前好似公仔一樣比人睇, 睇岩可以入去傾價錢.....(聽落都幾恐怖)~~ 全條街都係...全程拖住老公..總係覺得D人好雜....好擔心比人搶野多...唔敢行得太慢, 跟住團友一齊行....

D女仔哈..唔靚, 化妝化到似假人, 唔通靚既都開緊工?? 總算係見識過天堂與地獄之別。