2004年1月19日 星期一

琴晚我10點幾就訓左啦,因為真係好攰,訓到今朝8點幾好唔願意咁俾老豆叫醒左啦,因為我真係仲想訓,天寒地凍喎........起左身之後,姑姐既工人黎左,佢真係好好,幫我地做左好多清潔既野,攪到我同我老豆幾無奈又幾開心,因為唔使點做,嘩哈哈哈哈哈.....我同老豆同阿妹出左去『祠堂』食野,食完野返黎,因為有D野唔想個工人做,因為我地覺得爆唔好意思,所以諗住佢走左先做,廢事佢爭黎做。12點幾佢就走啦,我同老豆就開始洗天台等.......洗到兩點幾,阿媽就叫左我地出去食野,我地又去『祠堂』食,又係去返果間,哈哈哈哈.........食完之後返到屋企就上房打CM4啦,打到6點幾就沖涼同食飯........食完飯就成家人出左去行花市啦,出到去仲早所以無乜人,去左搵美玲姑姐,佢年年都係花市到擺檔賣水仙花架,各位老友記,去開花市就幫襯下啦,果度擺左好多同剩係賣水仙花而冇鋪名果檔就係啦,嘩哈哈哈哈哈.........行完就去左B仔食糖水,食完行去大坑渠等巴士果陣,見到馬會聽日六合彩金多寶六千萬,就同左阿媽一齊買左兩張電腦飛啦,哈哈哈哈,之後就返屋企啦..................

P.S. Adam今日考試喎,考Programming,我諗佢應該肥佬多,睇下佢係唔係食蛋先,嘩哈哈哈哈哈....................