2004年1月7日 星期三

今朝10點幾就俾老豆既電話嘈醒左,之後就起身啦,一起身我又打機啦,又打CM4........打到兩點幾就出去祠堂同老豆飲下午茶,飲完又返屋企打機,打到6點幾阿媽就打黎叫出去食飯,因為阿媽今日要返老人院開會,無買『送』,之後我同老豆就揸車出去水邊接埋阿媽同阿妹,就去洪水橋食飯啦,食完7點半到就車佢地返屋企,之後就去錦繡,諗住探我契媽(我小學既主任),點知去到原來佢未返,我就留低左份禮物同電話俾佢老公就走啦,之後就落返元朗搵Sam Ho,因為我叫左佢地出黎飲野,之後就泊左架車,搵William同B.B.佢地食飯,之後就搵麟仔,再Join埋Adam,之後係朗屏攪左一陣,就去新B仔飲野。

去到之後班粉腸又唔講野,掛住講電話,又放哂蚊咁.......咁就飲完就走,我同麟仔去拎車之際,麟仔條粉腸見到球場(因為我地架車都係泊左係球場門口)就撩打波喎,Adam同Sam Ho就不甘被撩,就話打,我就梗係無乜所謂啦,玩乜都得啊.......就叫左William飛奔返去拎波,之後就打啦,打到11點幾就走啦,之後我同Adam都唔想咁早返去,所以我地先送Sam Ho返去,我地就係天耀買野飲同買宵夜食,我買左件臭豆腐,但係唔好食,又唔臭,辣醬又唔辣.......我地就係咁一路食野,一路傾計,傾到點幾就返屋企啦..............

Sam: You motherfucking man, check下時間再confirm你啦...............

小白: 我梗係未睇啦,Adam條粉腸同左龜頭同William睇左啦........我梗係想同你傾電話啦,衰鬼啊.....我知你要Sweet架啦,你得閒先打俾我啦,我等你啊.........

Patrick's Pat: 係我想打你之前,唔該你話我知你係乜水先,同埋我不嬲都話我係老人家黎架啦....................

A Lonely Girl: ...............衰鬼啊,我都愛你囉,不過係我愛你之前,都俾我知道我愛邊個先得架....................?