2003年12月29日 星期一

今朝9點幾就起左身啦,因為老豆今日放假,叫左佢陪我出去黃金商場幫Joyce買兩隻Web Cam (即係眼仔),11點幾就出到去,好快就買左兩隻眼仔,12點幾就落去屯門,因為約左家姐佢地成家飲茶,兩點幾飲到4點幾,之後佢地話落去新元朗中心睇YOHO TOWN既Show Room喎,所以就落去元朗,佢地去元朗之際,我就約Joyce係元朗廣場俾對眼仔佢啦,去到元朗廣場,Joyce既朋友仔都係度,總共7,8個女仔,佢地都算係我以前中學既同學,當佢地見到我既時候,佢地好似去左動物園睇動物咁,我聽到有人話"如果係街實唔認得佢啊........",仲有好多"嘩"聲,而我當時既感覺就係我好似去左一個動物園俾緊果度D動物睇緊咁,有馬騮啦,豬啦,河馬啦等等,即刻諗起謝霆鋒呢隻"你看我看你"既歌---『又不是 參觀動物園 誰讓你 指點半天』.........爆無奈......

之後嗱嗱聲收錢就走啦,唔想再俾人"參觀"........之後就直接去新元朗中心,一路同Adam傾電話,一路同佢講我好驚.............去到就join返我地姓鄧既一家,就睇啦,睇完我始終都係鍾意住屏山多D........之後就出發出灣仔睇燈啦,我地由灣仔開始,之後坐船過尖咀,之後去左加連威老道果個『星加坡餐廳』食飯,之後由去返半島酒店同海運果度影相........10點幾就起程返屋企啦,返到屋企都成11點幾啦..................................