2003年12月26日 星期五

今朝9點幾就俾阿媽嘈醒左,因為佢話要同以前佢幫人照顧果個BB女同佢一家人飲茶,果個BB女叫冰冰,細個果陣真係好得意,仲好多野講架.......原本今朝係約左Adam,小白同William去唱K架,依家又無得去啦,不過Adam佢地都無去,唔知幾時先再有幾會去唱呢?

但係最後都係無去飲茶,唉............之後就車阿媽去天澤俾野佢同事,之後就同佢同事食Lunch,兩點幾就返屋企啦,係屋企就無無聊聊咁上網,Download歌到5點幾,之後就落去食飯啦.......食完飯洗完碗就出去元朗打波啦,打波之前就去左買波先,去左Roller場無耐就打啦,打左2,3場,對住D"賓仔"好勁,所以都輸............

之後我地又賭波啦,玩O.U.T.,射罰球啦,鎖匙圈啦,仲有321,今日既大輸家係Adam,玩咁多野佢都可以成日射大針,佢仲話成日係IVE果度成日穿針,都唔知佢係唔係吹水?我地玩輸既就要請嬴既一支水,點知阿Adam哥玩4樣輸4樣,哈哈哈,連跛既Sam Ho都可以嬴到支水,最後我嬴左兩支水,麟仔一支,跛既Sam Ho一支,雖然William冇嬴,但係我地買左10蚊3罐既雪碧,咁William就有野飲啦,我就將我另一支水俾左麟仔買左10蚊飯食,Adam總共輸左20蚊啦,嘩哈哈哈哈哈..........不過佢打Winning又容乜易嬴返黎啊,佢咁屈機...................打完就去左Sam Ho屋企拎CM玩,就返屋企啦.............返到屋企,小白Post左果晚打邊爐既相上佢既Photo Book,咁我就Download返落黎,放左係我既Photo Book度,唔該哂小白,各位老友記可以去睇下架:

http://hk.f2.pg.photos.yahoo.com/ph/patrick_little_angel/my_photos

Joanna: 唔可以無左妳呢種感覺我已經有左好耐啦,我已經放左你張咭係銀包啦,我不嬲都好好收藏同珍惜你送俾我既野架,唔會好似我送俾你果隻姆明咁慘囉..............哈哈哈哈哈