2003年12月25日 星期四

今日係聖誕節,琴晚成晚都無訓過,返到黎屋企就諗住沖涼,沖完就開始『昏迷』啦,不過電話聲同唔知邊度既鑽牆聲攪到我訓唔到,訓訓下既時候,Adam問我同唔同佢同小白出去,但係我真係好攰,所以就諗住唔出啦.......過左無耐,Joanna就打電話黎,話佢媽媽唔返屋企食飯,佢家姐同細路又去街,得返佢同佢老豆,佢就問我地係唔係出去,如果唔係就上佢到打邊爐,不過佢見我訓到痴痴呆呆咁就叫我起身打俾佢,之後諗住繼續訓,Adam又打黎啦,問我去唔去Joanna到打邊爐,之後我就唔訓啦,我話去囉,咁就起身出去啦。我地約左係千色等一齊去買野,今晚有我,Joanna,小白同Adam,買完野就係William屋企樓下等埋條粉腸,之後就返去Joanna屋企啦,入到去就整野,6點半就開波食啦........食之前,Joanna就叫我入房拎左我Form 3送俾佢果隻『姆明』毛公仔俾我睇,因為我之前傾電話果陣提起話想見返隻公仔,睇到之後就諗番D回憶,但係隻公仔好慘囉,俾人地冷落左係個衣櫃成幾年,我同Joanna講笑話我拎返佢返去陪我...............

食到9點幾食完野之後就勁影相啦,之後就執野,執完之後,Sarah都黎埋啦,之後我就同Adam同William係Joanna屋企樓下傾左陣計,之後上黎佢地女仔話玩遊戲,規則係輸左要飲酒,係遊戲既過程中,Joanna原來轉數真係幾慢,不過Adam都唔係好得幾多,佢地成日都係度『呃酒飲』,哈哈哈哈哈哈,不過講真好耐都未試過咁玩過,以前係Joey係度係佢屋企就多啦,玩到成12點就走啦,因為我要接阿妹,因為佢同佢D朋友仔出左去冬季嘉年華玩啊,咁就返屋企啦........................

原本諗住聖誕節同唔到Joanna食飯,點知最後都可以喎,仲係成班人一齊過,今個Christmas都過得幾開心,都唔算係一個Lonely Christmas,哈哈哈哈哈...........................