2003年12月16日 星期二

琴晚11點幾就訓左,不過12點幾果陣有人打過俾我,我依稀記得佢同我講野,我剩係識"唔",之後就收線啦,不過算好架啦,剩係"唔",如果唔係就俾我鬧架啦,哈哈哈.......

講返今日,起左身無耐就睇返琴晚果集衝上雲霄,之後就沖涼啦,沖完Adam就打黎話好悶,叫我上去打機,唉,鬼咩,有人學校Sport Day又唔返,Sport Day最好就係同女同學聯誼架啦,仲要同其他Campus既一齊喎,不過D型男又話唔返,所以係屋企悶囉,哈哈哈哈......之後上左去打左陣機,就落去搵Joyce啦,原本係陪佢做Body Check,不過有人搵唔到針咭,所以無做到,之後我地兩個就無無聊聊咁走圍行,先係佢屋企樓下個公園行,行左陣就坐係度傾計,無耐就去左Joyce既舊居,美湖居樓下果個公園,有人話想去果度"懷緬"下我當年係度做過既傻事(呢件事除左我同佢,我諗知得最清楚既人就係Joanna啦),所以就去左啦,坐左一陣就陪佢返屋企,之後我又上返Adam到俾返張"足智彩飛"俾佢,之後就返屋企啦.......夜晚斷斷續續同Rachel傾左成個鍾頭電話,D人明知今日得閒又唔約我出去食飯.......睇完電視就打Dairy啦,依家唔知做乜好...................

P.S.發現自己突然無左種感覺.............................

KitKit: 果日個Look都幾街坊,我知你好嬲啦,連達達都嬲既話都真係幾過分,不過滅蟲係你強項,你掂既,不過最緊要收返佢清潔費,同睇住我間房啊............