2003年12月14日 星期日

琴晚成兩點幾先訓,訓到今朝10點幾就起身啦,之後起身睇電視同煲水沖涼,因為琴晚好懶燒完雞翼無沖就訓覺,沖完涼12點幾條粉腸Adam就打黎叫我陪佢去剪髮,於是我就換衫出去啦,出到去等條粉腸剪果幾條毛仔等左成半個鐘,好在我打左俾Joanna同佢傾電話,哈哈哈哈.......等Adam剪完之後,就諗住去William屋企打機啦,不過我地要買波,所以先去左投注站先,不過好多人,而且我地又無筆,所以先上William屋企,睇下賠率,"度"下買邊幾場,之後我地又落去買啦,買完William話想買衫,所以就陪佢去睇下衫先,行行下街就見到之前同班果個OK 靚女,讀書好勁,依家係CITY UNI讀Law既Jessica,無咩點變,依然都係果個高度,不過我無Hi佢,因為我覺得今日既造型唔係好得,所以就繼續行返去William屋企打機啦,我地又玩5毫子一球,我始終都係嬴唔到Adam,無他既,因為佢成日都好得閒咁煲機,梗勁架,打左3場輸7球入3球,輸左3個半俾佢,Shit............6點幾我就返屋企食飯啦,咁又一日啦.........

KitKit: 係啊,我地初時都Expect會幾好睇架,不過真係幾失望,好在我地睇25蚊早場咋,都無咁灰啊............