還有三天要上學，還有十天左右畢業試亦慢慢步近……

大年初七人日，是我妹妹的舊歷生日，食過蛋糕，哈哈……人日大家生日……生日快樂呀各位觀眾。

之後，約了馬仔看李安納度的「捉智雙雄」。

到了旺角，聯上雞雞及老野，想拉攏他倆一齊看戲，唯有陪二人去金魚街買養魚用品。

逛完後，大家為了女仔而改變初衷，不看戲，反而跟雞女友的朋友於福星打邊爐。

哈……我們只見過雞女友，其他人只是第一次見面。

我們一圍九人，男四、女五，哈……大家本不相識，經過老野及雞女友的一連串調位，戲肉緊接而來。

哈……死老野，第一次見人就作狀「左擁右抱」，又「搭人肩膀」，又「懶熟咁」，搞二人合照，有點眼火爆，呵呵……不過沒有他，相信氣氛一定沒有那般融合、好玩。

食過飽，經過一輪合照後，進入遊戲(Game)時間：亦即全晚的壓軸節目(我都估唔到大家會玩到咁)。

大家提議飲酒，好……輸了飲酒。

第一個Game玩「猜拳」，我們一共八人(一個女仔棄權)，一人一手，最多可嗌四十。哈哈……嗌中，下家要飲(半杯酒，女仔可以橙汁代替)，呵……以為大部份女仔會轉飲橙汁，怎知，只有一位開門見山飲橙汁，其餘的一齊「啤啤佢」。

坐老野下家的女仔，被老野灌到滿面通紅，目光呆滯，死仔，無事獻恩勤，勁幫人倒酒。令人醉醺醺，活該的。

眼見過火，唯有轉Game，哈……今次提議「拍七」，玩家只有六人，不飲酒，以「自製介辣蛋糕」為懲罰，老野成為我們「群做」的目標，呵……還有他獨有的加豉油，(唔知好唔好味呢？？)

最後，剩下小半，大家以「包、拳」決勝負，我做指揮，以爐作遮蔽，包……五人一齊包，拳……五人一齊拳，老野……食你的「美味蛋糕啦」^^

雖然老野做了一個醜人，但……如果沒有他的角色，氣氛一定沒有那麼理想，大家都不會那麼投入，共同「做」一個目標，嘻嘻……

(另外，由於d啤酒勁難飲，為左玩，搞到我……玩到一半要去廁所「湯肚」，頂……都係d啤酒害人，大家唔好飲呀！！！而今次係我第一次飲酒「湯肚」，感覺幾得意，不過食左成晚既野……冇晒囉！！！唔知點解之後我仲會繼續玩，繼續飲……可能好玩啦！！哈哈…第一次見就玩到咁……不過唔知有冇機會再見呢？？)