台長於大年初五終於感到一些新年氣氛。

首先，下午去了馬仔家拜年，哈哈……亞鵬乖呀！！買了一盒曲奇餅、柑及蘋果，希望大家新年快樂！！身體健康！！金(柑)銀滿屋！！

拜過年後，與馬仔逛旺角，正當他在選購練波球衣時，恰好被我發現有一對Puma石地球鞋特價，加上馬仔的誠意推薦，我決定收歸(購買)旗下……

會合亞雞及老野後，上了我家坐了一會，順道拜年。

晚上，在雞家做客，雞媽媽的手勢好好味，又好客！！有飯、有麵、有燒肉、有蝦、有菜(介蘭)……非常豐富。值得一提的，亞姨整晚跟老野開玩笑，搞到他「一楝都冇」(亞姨只是玩下者，老野又玩得喎……正)

「大刷一餐後」，我們四子冒著寒風去了球場踢波，順便試試我的新波鞋，傳、斬、射後，老野玩起「側手翻」，見狀，我們三個好學青年則提議在場邊的草地練習，並向老野偷師。

經過一輪的嘗試後，馬仔是第一個能掌握其技巧的好學青年，P仔也緊跟其後，慢慢地亦上手了，哈哈……好玩呀！！(下次我地四個一齊打先，一睇就知我地比Twins型啦！！哈)

新年，去拜年，買新鞋，新開始，哈……love my way！

(其實，我係唔慣拜年呢d習俗架，一黎：好似為逗利是而為人拜年咁(我唔係因為逗利是架，係出至真心，唔係真心既我都唔會去)，二黎：咁大個仔仲收人地利是，硬係怪怪地，三黎：係人地回禮個陣又要拉拉扯扯，好唔慣！！四黎：前幾年，年年都係大陸過，好多野簡單都得，又唔會驚人誤會自己另有目的，冇咁多約束，更重要既係有新年氣氛(有d懷念添)！！)

(另一方面睇返自己，係咪見既野太少，只要慢慢試多d就會慣？？咁者係咪慢慢就會麻木左呢種尷尬感覺呢？？而呢d就叫成熟左？？)