一套胡鬧賀歲片
大家口中的爛片
今日我終於欣賞過了
其實...都唔係真係咁差啊...
cut左垃圾蟲表哥,cut左片尾0個間學校,cut左上月球
我都仲覺得ok
如果道具製作認真dd就更好啦
個人最愛當然係Francis扮堅叔啦
有讚冇彈架啦
其他人都冇咩發揮
第二最愛羅冠蘭
字字鏗鏘啊簡直,如果有埋輝sir就perfect啦,wahahahaha
Twins角色係任何囡囡做都得架我諗
可能醜樣law個造型會...
Shine做小偷都好cute啊,佢地黎偷我野就好lu
鍾麗緹完全冇戲啊,但佢講多國語言同扮相都好迷人啊
小春出得太少啦,而且上月球0個part好差啊
浪費左佢law!!!!
我係好憎演員們個造型如果有眼鏡(仲要款式老土)的話呢
就狂托眼鏡,驚死冇人知佢帶緊眼鏡咁
上次1比99Sammi都好似係咁
今次柏芝都係
但我諗如果我帶副呢個度數呢個厚度眼鏡可能我都會狂托
因為太重
但有時見佢望人又拉落d副眼鏡望完又托番上去
好怪law
我都明白個眼鏡度數真係好深
拉落黎抖下都合理
但係戲外做架ma呢d!
預告片已經令我深深討厭的垃圾蟲
假到無倫的他抽煙0個下令我有點感動啊!
咪就係0個一點law,過左就繼續討厭啦!
唔搞呢d所謂電腦效果啊特技啊,俾d時間搞好d道具啊
會好好多law!
最後就係許冠文先生最尾出場的幾句對白
唔知有幾多人0係戲院睇呢套戲,
講哂粗口叫回水的時候,
靜落黎,諗下佢問的幾條小問題呢?
呢個就係我覺得全片未爛到三十蚊都唔值的地方啦...


不用分亳的觀眾小溫上