今日跟地產經紀去睇租盤
明白點解一有新樓盤就吸引咁多人去買
因為d二手樓係可以俾人住到似一間爛屋
今日睇左幾個吉盤, 但係都唔理想
又貴又冇景觀, 俾另外嘅樓重重圍住
樓同樓之間條"嗱"望出去都竟然仲係樓, 好有壓迫感

去左一間未交吉嘅單位, 個男户主夠胆死着條睡褲出嚟開門....
入到屋內, 只見一片凌亂, 四圍都係雜物,
五個櫃桶裏有四個推唔埋, 裏面嘅野跌晒出嚟
難得佢地兩夫婦仲可以悠然自得咁坐係一大堆垃圾中間睇電視
我其實踏左一隻腳入屋已經想走, 不過唔係幾好意思
所以同個經紀作狀四圍睇吓, 越睇就越眼冤
如果我係業主, 我就寧願賣左間屋一了百了
好過租比d咁嘅租客, 攪到間屋不知所謂

而家樓市好轉左, 好多業主都轉租為賣
盤源少左, 選擇不多, 希望可以快些揾到個各方面都啱心水嘅單位喇.