迎期有套戲叫「連環不幸事件」,我無睇,但係真人版就嚮我身上一一發生,精彩過套戲。

2005年,我好俾心機做我既工,有個新機會黎,我亦有好好把握,訓晒身去做。
日捱夜捱,一心唸住廿歲女,事業可以有咩突破,點之身體唔爭氣,結果捱出連串不幸事件來。

首先感冒,然後腸抽筋,遇著復活節紅日,無診所開門,焗住入廠!又咁唔好彩遇著d黃綠醫生,係咁易同我打幾支針、開幾粒藥就打發我走。

第2日又痛,又入醫院,d醫生又係做返同一個動作,激到我死!我話佢地開d藥唔掂仲夠膽死話:「係食呢d藥架啦!.....下刪100字」

第3日,AGAIN!!又係入返去,今次好d,遇到個好醫生,佢唔俾我走,呢世女第一次吊鹽水,吊到手都脹大晒,豬手咁!訓訓下發高燒,最後都check唔到咩事,自己見好d索性簽紙返屋企,醫生千叮萬囑有事要返黎搵佢,唔夠一個禮拜又發燒,係咁易自己睇醫生抖下過左一關。

再1個禮拜發足2次高燒,成身滾熱辣,標晒冷汗辛苦到唔想做人。隔多幾日無啦啦又肚痛,死忍3日卒之投降入急症室,俾之前個醫生把烏鴉嘴講中!又留院!

照照下話我盲腸炎要做手術,邪到爆!即刻排期做手術,醫生問係咪我要做手術,o下?我反問佢:「係咪可以揀唔做丫?!」
姑娘一行埋黎就話:「你宜家做手術喇!」乜野心理準備都冇,之後乜都唔知做完,個肚多左條疤,痛到訓覺轉唔到身、講野又冇力、連床都落唔到,去廁所都要人幫!
好d落到床,但日日打針抽血吊鹽水,成隻手脹到碌野咁,ugly!

訓左5日終於出得院,但2隻手就好多窿...戰績。宜家身形就好似非洲果d人,個身瘦但係個肚好脹......唔係肚腩,而係做手術d氣打左入去,未出返晒黎....同我心情一樣...一肚氣!!

呢連串不幸事件,令我清楚咁睇到,邊d先係真正關心我既朋友,邊d係戴假面具既仆街!容後再談!