由於琴日心情突然間唔係幾好，
而且星期日又好似無咩做咁...
(=.=其實係有野做，只係自己唔想做....)
所以就踏足左好耐都無去過既海濱公園散散心....
我發覺夜晚既海濱真係比朝早靚好多~
沿住條長廊係海邊行，慢慢就行到去公園既盡頭，
雖然無一望無際既海洋，但遠望馬鞍山的點點燈光，
又別有一番韻味~
吹完一陣海風，仰望滿天的繁星，
心情亦輕鬆了很多~ 真好^^
相信船到橋頭自然直啦~ 咩都有辦法解決既...

*******************************************************
琴日係catalog睇中左件棒球褸，跟住就超級鍾意~
(因為有粉紅色，同埋想買棒球褸好耐 ^^)
但因為要同德仔或者k仔一齊先有85折，
所以無奈地唯有等今日先買啦~
誰不知....大埔已經有得賣反而銅鑼灣未返貨喎!! @@
呢個咩世界黎架?! 等人地滿心歡喜諗住買到平褸添~
哼~ 不過以我咁硬頸既個性我係唔會擺休架!! "/
最多補完習未特登過大埔中心買~ 我唔信佢咁快賣晒!!
@@ 哦? 原來件衫都只係琴日先返貨咋喎....
不過唔理啦~ 288蚊就買到件新褸已經開心死架啦~
話之你幾時返呀~! 我鍾意未得囉~ I'M LOV' IT!
哈哈~~ 開心死我啦!! 有新褸著~! WAKAKKAKAK