過左好幾日苦過dee dee既日子，
今日終於可以抖一抖~
諗返早幾日既日子真係辛苦到呢....想死囉~!
查實一開始可能係自己衰先既~
同karen慶祝完生日，返到屋企都2點幾...
但由於果朝玩the sims2玩到興高采烈，
所以未諗住玩多一陣囉....點知一玩...咁就5點幾6點~
@@ 橫掂都成6點啦~ 無理由果陣先訓架~
所以就咁就頂到7點半沖涼返學~
點不知星期一又有稿要寫、又有PR功課要做....
搞到我要捱到4點先有得訓....
嘩~ 呢野簡直真係挑戰人體極限囉~ 成42個鐘無訓過覺，
寫寫下稿仲出現幻覺...超恐怖...
第二朝又10點鐘就比人叫醒左...跟住又再一次返學、上堂、
補習、training、做功課、寫稿....
天呀~! 呢d咩生活黎架?!
點解我會咁多野做...但個戶口又無錢架?! 貧窮神又附體啦!!

今日9點幾又彈左起身...
就因為琴晚寫寫下稿訓著左...搞到今朝要一早起身趕埋佢~
寫完之后諗住坐低har陣啦~ 點不知爸爸又趨人出門口...
算啦~ 鬼叫今日時間緊迫咩.....
今日終於睇左果套我好想睇既A-1~
睇完之後，覺得D差佬勁衰~ 為左名利而隱藏事實!
("/ 一定要叫蔥頭睇下~! 叫佢唔好做呢D差人，因為實在太衰啦!!)
D記者勁型~ 果種一定要尋求事實之真相果種精神..真係型到呢...!
梁家輝呢個老總又超型喎~ 佢講果句"傳媒係要報導真相，
係負責則疑、監察、搜集證據、甚至可以估，而唔係講個
"信"字，信係教會先講架!" 我深信呢句說話，就如果陣PAULINE話，
唔係人講你就要信，因為每個人心目中都會有bias，所以每個人講既
野都會有一定既偏差，我地就係要綜合各人既睇法及將件事展示比讀
者知，等佢地自己去作批判~
哈哈~ =.=但現實中又會有幾多個記者做到呢?! 呢層我真係唔知...

其實呢套戲個故事都有幾多矛盾架....
件事其實會唔會真係咁簡單呢?! 如果真係咁簡單咁套戲未好削?!
究竟件事係點架呢? 梁家輝點解會識黃秋生? 點解佢無端端要查佢地?
林家棟見到黃秋生果陣做咩要勁打佢? 做咩個阿sir會自己無端端出黎
認錯? 點解要鏱住件事既時候又會留低咁多證據係間屋度? 佢話法證
黎過既話無理由又會留低condom呢d咁重要既證據架~
=.= 唔得....太多問題啦~ 個故仔個結局都唔好既..
都唔完整既...失望.... /.

睇完戲...由於我要返轉頭check星期六要擺既point，
所以搞到爸爸趕唔切做gym... 真係唔好意思呀...
搞到佢要無端端係條街度har左2個半鐘...
仲要之后被迫讓左個銀包比我....
>< 哎呀~! 我變左怪獸啦!! sorry 呀~~
不過我真係好鍾意紫色果個....勁衰勁衰-.-"

死啦...仲有好多野未做...
有website啦、PR report啦、research topic啦、advertising 啦、
news translation啦、同埋最金既仁聞報...
你話點算好... >< 嗚....