九月十五日至十七日

九月十五日，星期三，去o左明星食皇朝開學飯。我地叫到整張桌都是點心，食得好飽，差d食唔晒，皇朝好耐都未試過飲茶啦，真係好開心！！可惜，kein唔得閒，o黎唔到，唯有等下次齊人一齊去大久保啦……

之後，上完小說，去o左棋聚，今次玩大富翁。一開始，擲骰子，擲得最少，所以最後起步，似乎好似無乜運咁。事實上，真係無乜運，個個都買o左好多地，kein最多，然而，我只買了一幅，而且不斷做好市民，交o左幾次$750o既稅款，又成日踩中人地o既地，交租交到暈。之後，trade o左三塊黃地返o黎，可以起屋。但點知，就要成日交幾千蚊維修費，o個d起得多過我o既人又一次都唔使交，世界真係唔公平，唉……但世事難料，我咁弱勢，竟然到最後可以和kein及另一位新會員形成三國鼎足之勢，而更令人意想不到的是，我唔知點解會勝o左，應該是kein將所有功力和佢o既地俾晒我，不過，最重要的應是那位賣黃地俾我o既人兄，令我可以靠收下租，繼續撐落去……‥兩個幾鐘o既遊戲，只可說句：「生命無常，唯有盡力而為」。


九月十六日，星期四，又食開學飯，不過今次是中文組o既開學飯，四級齊集，很熱鬧。d野食不錯，可惜少o左d，哈哈，好大食添……放學，開班會，終於選o左新班長，實在太好了，相信仲文都會有同感，「無官一身輕」！

九月十七日，星期五，阿媽同我都dayoff，然而，大家都唔想去街，想o係屋企休息下。結果，我下午睇o左《羅生門》，對白很有啟發性，而且鏡頭設計出色，佳作！