5月5日 (星期六)

今日明明係星期六, 應該少d人番工o架麻, 但係朝早搭車番工, 巴士站勁多人. 等呀等呀, 巴士終於到啦, 但......客滿飛站. 再等呀等呀, 巴士又再到啦, 不過又係......客滿飛站. 嘩~~~今日乜野事呀? 咁唔沉常o既? 第三架車終於上到啦. 唉, 兩班車都飛站, 想唔遲到都几難lu.

因為遲o左番到去, 搞到我今日d野都做唔晒, 做到2:00pm 先至走人. 出到旺角, ”大家樂”同”大快活”都勁多人, 可能d人個個都爭住去食tea啦! 最後我去o左”美心快餐”食lunch. 黎間”美心快餐”有好多部電視仔o既? 好彩我早黎少少o者, 我買完野食, 搵到位坐之後, 人開始多啦, 原來tea time到. 乜咁多人都去食tea o既? 佢地個個食lunch都食唔飽咩?

食飽飽, 原來已經3:00pm 咁晏o架啦! 即刻搵下高雄, 睇下佢去o左邊先, 原來佢係旺角, 雀巢就同同事飲完茶, 而家黎緊. o岩晒啦, 一齊去打陣機o羅!

睇”蜘蛛俠3”, 打得刺激, 又有d搞笑位, 套戲好好睇呀! 睇到戲玉果時, 電話響, 原來係女朋友打黎. 佢好想搵我傾偈呀, 但係我睇緊戲喎. 同佢傾o左一陣, 之後都係睇戲先. 傾偈一陣再傾都可以呀麻, 但係套戲錯過o左就冇得睇番, 仲要係俾o左錢o架喎, 緊係要專心d睇戲, 緊係睇戲先啦!

之後去食越南野, 邊食邊同女朋友傾食. 佢想我陪下佢, 咁我咪約佢, 一陣過去陪下佢. 食完野, 雀巢同高雄去打機, 我就去陪女朋友.

約o左9:00pm 係樂富等. 我好鍾意樂富商場果個平台呀, 有位坐, 有樓梯, 環境又靜, 而且燈光又昏暗, 最o岩情侶o既地方. 唉... 佢又遲到呀, 遲o左20mins. 今次只係遲少少, 算佢啦! 唔該下次準時d啦, 預知遲到o既就早d通知我啦, 等我可以就下時間, 唔駛咁早黎到一個人傻間間係度等.

佢今日心情麻麻地, 不過比前日心情好番d. 傾o左個几鐘, 當中有開心, 有唔開心啦! 我差d又搞出大單野啦, 真係好對唔住呀! 我想你著緊d我, 想你關心我多一d呀! 我都想多d著緊你, 俾我關心一下你啦! 好彩最後都冇事, 大家和好番. 最後搞到太夜, 冇小巴搭, 佢係都要搭的士, 唔想行, 真係懶豬黎o架! 見路程都唔係好遠, 想搭的士就搭的士啦, 而我都可以順便去埋巴士站, 不過咁樣搭一搭的士又用o左我廿一蚊添!

---------------------------------------------------------------

企鵝講過, 叫我要對女朋友再好d, 要同女朋友關係再親密d, 要同女朋友聯絡多d, 大家要互相信任多d. 要自己令自己更加吸引, 令女朋友更加愛自己. 我會一直嘗試o架啦, 我已經不斷盡力緊, 想自己做得更加好, 要做一個越黎越好o既男朋友.

可惡呀! 女朋友話我當佢開心果時, 我唔識得去氹番佢開心. 哎呀, 乜我唔識得點樣去安慰女仔? 唔識得點樣去令女仔開心番? 加油呀! 努力呀! 阿Be, 我會令你更加愛我, 我要成為係你心入面最重要o既男人. 我會做得更好o架!