5月4日 (星期五)

好想睇"蜘蛛俠3"呀! 約女朋友去睇, 點知佢又唔想睇, 我唯有約其他fd去. 本來想昨日早少少放工, 出去買定飛, 點知又太多野做, 行唔開, 唯有今日先去買飛啦.

出到去旺角, 就即刻去UA朗豪坊買飛. 我已經預早買飛o架啦, 我都唔係買今日飛, 我買明天喎, 但係明天場場都爆晒, 得番前排o既位咋, 一係就得番几個單丁位. 乜咁誇張o架? 多人到咁恐怖o既? 嚇死我啦, 我都未試過咁o既情況.

行過去百佬匯睇下, 希望會好d啦. 果然百佬匯好d, 仲有飛買, yeah! 7:00pm, 約好o左企鵝同愛麗絲去食dinner. 今晚出黎, 其實真正o既目的係拿手信, 呵呵呵! 企鵝前排去o左日本呀, 唔知佢買o左d乜野俾我地呢? 原來係日本草餅. 我都估到d o架啦, 因為日本出名草餅呀麻!

去o左新世紀廣場行一陣, 就去o左一間西餐廳食dinner. 間野唔記得o左叫咩名lu, 不過間野裝修得好特別, 環境几舒服, 尤其係門口果几張卡位呀, 真係好得意呀! 我地叫o左兩碟意粉, 一碟雞翼. d野食個買相几好, d雞翼都炸得几脆, 不過d意粉就麻麻地.

食飽飽, 佢地再去行街街, 我就唔去lu, 早d番屋企休息下好過啦.

----------------------------------------------------------------

好擔心女朋友呀! 本來約好昨日去拍拖仔, 點知佢有突發事, 去唔成. 今日佢冇搵我, 我又搵唔到佢, 唔知佢現家點樣呢? 好掛住女朋友呀! MSN度問佢阿妹, 問佢几句o者, 佢阿妹又話我煩. 乜我擔心下女朋友, 關心下女朋友都唔得咩? 男朋友係應該做黎d野o架麻, 如果我都唔做, 邊個應該做呀?

都唔知點解女朋友成日都咁多事發生, 仲要單單都唔係好野, 單單都係大單野, 點解佢會有咁多唔開心o既事會發生係佢身上o架?