4月25日 (星期三)

女朋友星期四有時間, 話可以陪我去睇戲, 去睇我同佢都好想睇o既”十分愛”. 難得佢有時間可以去到睇戲, 咁我緊係要落力d, 去將黎個planning實踐啦.

昨晚, 我上網check好時間, 唸住問下女朋友邊個時間OK, 打o左几個電話都搵唔到佢, 佢都冇開電話o既? 都唔知佢搞乜, 夜晚成日都唔開電話. 時間又唔係好夜o者, 佢邊度有咁早訓呀?

今日, 番工都係忙忙忙, 但几忙都會抽d時間出黎, 打電話搵下女朋友. 差唔多中午果時搵到佢, 佢話現家好忙, 一陣覆番我. 到lunch果時我打俾佢, 冇人聽. 食完lunch再打俾佢, 冇人聽. 兩點几打俾佢, 冇人聽, 三點几打俾佢, 冇人聽. 四點几打俾佢, 冇人聽. 五點几打俾佢, 冇人聽. 唸住放工去買定飛, 費時明天去到冇飛買. 六點再打俾佢, 又係冇人聽. 既然我仲有d野做, 咁咪做埋先放工. 六點半做完晒d野, 終於放工啦, 我再打俾佢, 都係冇人聽.

想點呀? 又話覆番我? 現家又唔覆我, 又唔聽我電話, 究竟想點呀, 大小姐? 明明唸住放工去買飛o既, 現家又未約實個時間, 咁我點去買飛o者? 搭緊巴士番屋企, 我又打o左兩次俾佢, 佢都仲係冇人聽. 到差唔多七點半, 我都差唔多番到屋企啦, 佢終於打電話黎啦! 佢話搵佢乜野事, 打o左十一個電話俾佢. 乜我打o左咁多次電話啦咩? 我自己都唔知o既? 我打得咁多次電話俾佢, 搵佢緊係有d急事, 緊係想搵到佢啦! 佢話頭先番工, 整dirty o左條褲, 番去換完褲之後漏o左部電話冇拿.

又話會覆番我, 都相隔o左六個鐘頭有多啦, 現家都夜晚啦, 番緊工好忙, 唔會連少少o既時間去覆一覆我電話都冇呀麻? 我又唔相信o羅! 佢成日都得個講字, 好多野都冇實行到, 又成日咩都唔記得, 都唔將我d野放係心度o既.

本來係星期二夜晚去睇, 因為佢話夜, 又落大雨, 唔想去, 等待星期四再去. 星期四佢要下午時間, 咁我咪就下佢, 請假半日陪下佢食飯, 一齊去睇戲. 今次佢咁樣, 我唔嬲就奇啦! 佢想星期四下午去, 我專程請假, 陪佢星期四下午出去o羅! 我咩都就晒佢, 咩都為佢著想, 我對佢咁好, 佢都唔識珍惜我o既. 我嬲嬲, 我發下脾氣, 我發下癲, 唔得咩?

佢又唔出聲, 又唔識去氹番我喎! 都唔知佢有冇唸過認下衰, 要氹番我. 之後我講到出口啦, 佢都唔識得去氹番我, 去令下我開心番d. 連sorry都冇句, 仲反而cut我線, 之後又唔開電話喎! 大小姐, 想點先? 又避呀? 我好嬲嬲呀!

今晚佢又冇搵下我喎, MSM又冇online喎, 唔知佢點樣呢? 訓之前, 我又打o左一次電話俾佢, 唔知佢嬲完未呢? 打到俾佢, 有人接電話, 我喂o左几喂, 但又聽唔到有人出聲, 只係得d電視聲. 再打一次電話俾佢, 但佢電話又唔通喎! 想點先? 激死我啦~~~

------------------------------------------------------------------

女朋友成日都逃避問題, 佢一唔想聽, 一唔開心, 就會去避. 避黎避去, 都唔知佢想點? 避黎避去有乜意思? 總係唔去面對問題, 唔去面對現實咁o既!

唔知女朋友有冇睇到我MSN? 唔知佢有冇收到我SMS呢? 唔知佢有冇睇我今日日記呢? 唔知佢嬲完未...

明明係女朋友做錯, 係我嬲佢先o岩o架喎, 點解佢又要嬲埋一份? 點解要我講sorry先喎? 點解又係我錯晒喎? 我次次都就晒佢, 點解佢唔可以就下我喎? 開始明白點解佢之前d男朋友會鍾意o左第二個, 唔要佢. 佢都冇做好女朋友應有o既責任, 佢真係要好好反醒一下啦!

唔知女朋友有冇”床頭打交床尾和”黎個觀念o既呢?