4月22日 (星期日)

今日, 9:00am 就起o左身lu. 唔知係咪平時番工都係早起, 所以都訓得唔耐, 慣o左早起呢? 去市中心剪頭髮, 朝早去冇乜人, 唔駛等咁鬼耐, 唔駛浪費晒d時間. 之後咪"大家樂見"! 又食o左佢最好味o既o既招牌飯"一哥焗豬扒飯", 真係好好未o架, 我成日都食o架, 不過食得多唔係太有益, 所以都要忍下口.

晏d去大鼻度打機, 現家時間尚早, 番屋企睇下錄影帶, 再打下機先. 3:50pm, 終於可以去大鼻度打機啦! 去打Wii呀, 好新鮮呀, 我未玩過o架, 我唸會几好玩. 原來Colour放飛機, 雀巢就出o左街仲未番, 咁就叫o左輝仔黎玩. 玩o左几隻game咋, 時間唔多, 玩唔到多几款類型. 隻sport game最好玩, 尤其係玩tenis, 真係運動量o岩o岩好呀, 而且又玩得方便. 玩果隻boxing, 嘩, 真係用手一拳一拳打落去, 真係用手去檔, 仲要左閃右避, 完全好似打緊真o既boxing咁呀! 好好玩呀, 好刺激呀! 不過...... 太真實啦, 太大運動量, 打o左一陣就好倦啦, 成身都出汗啦! 玩o左隻賽車game, 不過個方向控制唔係咁好喎, 感應得麻麻地, 而且好難控制, 搞好我好似個初哥咁樣, 揸住架車四圍撞, 好似玩緊踫踫車...... 最後玩果隻煮飯game, 都几得意, 女仔一定好鍾意玩, 不過太多日文, 唔識字都唔知佢講乜.

--------------------------------------------------------------

打電話俾女朋友, 佢唔得閒, 之後就好少會覆番我o既? 係咪佢冇咩在意我, 唔多關心我? 平時已經好少見面, 聯絡又唔多, 有時真係想同佢傾下偈, 但係都傾唔到d乜, 想同佢分享下苦與樂都分享唔到, 都几冇癮. 我有時間果時, 想多d時間陪下佢, 佢又唔駛我去陪佢喎! 到佢有時間果時, 好想佢可以陪下我, 但係佢多數都去做自己野, 唔去搵我喎! 究竟佢有几鍾意我? 有几掛住我呢?

人地拍拖仔, 個個都好親密, 成日都聯絡對方, 時時刻刻都好掛住對方, 有d咩事都會同對方傾, 同對方講, 會放對方係第一位, 一有時間就會想去搵o左對方先. 點解我又唔覺得佢係咁樣o既? 究竟係佢心入面, 我o既地位有几重要呢?