4月20日 (星期五)

黎排番工, 好辛苦呀, 好唔開心呀, 開始有d唔想番工o既感覺. 現家係旺季, 真係好忙, 我日日番工都好辛苦, 舊o既野未做完, 新o既野就黎, d野都做唔晒, 日日都做到冇停手, 近乎日日都要OT. 呀~~~想做死人咩?

今日仲衰, 個死人Mickie追住晒, 咩都追, 又追排期驗貨, 又追PO貨期, 又追放產MA. 咁鍾意追, 不如去追男仔啦! 工廠方面又未俾到確實o既答覆我喎, 只係覆o左一d, 但又未覆晒, 有d都仲係度問緊. 俾Mickie勁追, 真係好辛苦, 尤其近6:00pm 果時, 勁打電話黎呀, 同事阿Kim叫我咪鬼聽佢電話, 拖住佢先, 俾工廠多d時間準備一下, 最好拖到明天先再覆佢. 即係點呀? 搵洞穿? 黎個Mickie, 癲o左咁呀, 佢勁打電話黎呀, 又發e-mail黎, 短短15mins, 打o左十次電話黎都有, 連我手機都打埋, 仲要留埋信, e-mail又有三封. 嘩~~~佢癲o左咁呀! 駛唔駛追得我咁急呀? 我都覆唔到佢o既o者! 明早番工, 都唔知點算. 救命呀, 放過我啦!

-----------------------------------------------------------------

女朋友病o左, 病得好嚴重咁樣, 而且仲要番工喎, 真係好辛苦! 放工打電話去問候下佢, 佢好唔開心, 好辛苦, 唔想番工. 同佢傾傾下, 佢喊喊呀! 我都唔知可以做d咩, 我都唔識講d咩說話安慰佢好, 我自己都好無奈. 果時真係好想係邊身體, 可以俾佢攬到實, 俾佢依靠下呀!

祝女朋友早日康復! 唔只係個病, 係希望佢身心都早日康復. 真係好想佢可以日日都開開心心呀, 唔想睇到佢現家日日都煩黎樣, 煩果樣, 日日都咁辛苦, 唉!