4月15日 (星期日)

昨晚早d訓, 11:00pm 就去o左覺覺豬啦, 好耐都冇試過啦. 黎排都夜訓o左, 日日都唔係太夠訓, 搞到身體狀態都麻麻地. 放假, 最好就係休養一下, 令自己回覆番最佳狀態.

今早, 8:20am 就醒o左啦. 唔知係咪平時番工慣o左早起身, 搞到現家都訓唔得晏, 定時定後就會訓醒. 不過今次都訓夠啦, 訓o左都有九個鐘, 夠晒o架啦! 訓得太耐會周身唔自然, 而且我都會訓唔著o架!

時間咁早, 唸住落去樓下"大家樂"食個早餐. 嘩, 點解咁多人o架? 排隊俾飛拿野食果條隊, d人排到出晒門口, 真係好誇張呀! 見到咁o既場面, 我都唔駛去食早餐啦. 唯有番上樓, 睇下昨晚錄影o左o既"火影忍者".

上網吹下水, 到o左10:40am, 唸去市中心度睇下玩具, 點知太早, d舖頭未開, 黎穫真係失策. 本來唸住去"大快活", 想食咖哩o架麻, 點知又勁多人喎, 仲要個餐牌仲要係早餐. 早餐? 對眼有冇問題呀? 已經11:10pm 啦喎, 點解仲係早餐o既? 自己一個人都唔知去邊度食lunch好, 唯有去"大家樂"食啦.

食飽飽, 去睇玩具, 但係都冇我想買o既野. 想同女朋友傾下偈, 點知打電話俾佢又冇人聽, 我唸黎隻懶豬都係未起身o架啦! 番到屋企, 12:30pm 咋, 時間真係早呀, 都唔知做d乜野好. 放假咁得閒, 無所事事, 會特別掛住女朋友, 可惜佢又要番工, 都陪唔到我o羅. 咁我可以做d乜呢? 真係無奈! 真係好想多d同佢見面, 多d同佢去食飯, 多d同佢去街街, 多d同佢去睇戲, 多d同佢...... 唔駛話要做d咩o既, 同佢一齊就會覺得開心呀. 只有佢陪住我, 我就已經覺得好開心, 覺得好幸福, 覺得好舒服. 果種開心o既心情, 真係唔知點形容出黎, 可能黎d就係甜甜蜜蜜o既感覺啦! 拍拖真係好奇妙呀!

之前買o左隻碟, 現家係時候睇下啦. "NANA", d人話好睇, 所以出o左套戲, 所以我咪買黎睇下. 點知一睇, 套戲咁鬼悶o既, 都唔好睇o既, 不過都好過冇啦, 反正我都冇野好做.

悶悶悶, 悶o左成個下午, 真係人都呆晒啦! 無聊到我去o左食個tea, 食到飽晒, 今晚都唔駛食飯咁lu.

放假冇節目, 真係好無聊. 又冇game好打喎, 我可以做d咩好呢?

-------------------------------------------------------------

星期二會有大雨, 狂風雷暴. 咁o既環境......點去海洋公園呀? 都唔知點好啦, 到時至算!

好想去睇"十分愛"呀, 星期四上畫啦, 真係好想快d去睇呀! 記住喎, 約定你o架, 睇下邊日有時間去睇啦!