4月14日 (星期六)

黎個星期, 勁忙呀, 忙死啦! 日日番工都好多野做, 舊o既野未做完, 新o既野就湧出黎, 做到冇停手, d野做黎做去都做唔晒, 堆堆埋埋一大堆, 變o左座山. 今日星期六, 好彩冇咩新o既野做o者, 有四個鐘頭時間, 我要快快脆脆清鏟平座山先得.

Yeah, o岩o岩好趕得到1:00pm 前做晒d野, 準時放工, great! 出去旺角, 突然好想食咖哩喎, 去"大快活"食番個咖哩雞扒飯, 好好味呀, d咖哩好濃, 但又唔會太辣, o岩晒我啦! "大家樂"果d咖哩就差得遠啦, 勁多油, 辣死人, 食唔到! 食飽飽, 時間尚早, 去打機先. 今日打"高達Seed Destiny", 拍到個實力唔衰o既partner, 勁開心呀, 同人地對戰贏多輸少.

今日出街, 唸住買玩具o架麻, 聖鬥士最終青銅聖衣o既鳳凰座一輝, 明明話三月尾出o架喎, 復活節去睇過, 話行貨未番, 要過o左黎個假期先有. 今日咪去睇下o羅, 點知都仲未有喎. 唉! 白行一趟, 下個星期又要再去睇過...... 好想快d買到呀, 咁樣就儲齊一套最終青銅聖衣啦. 現家d玩具真係整得好靚, 想忍下手唔買都唔得啦! 買o左d護膚品, 貪靚呀麻, 哈哈! 有個護膚品袋仔送喎, 個袋仔又唔錯喎, 不過我都冇咩用, 我都唔會成日四圍帶o架啦, 放係屋企用o既o者! 今日o既行程已經完成, 早d番屋企做下自己想做o既野先.