4月11日 (星期二)

期待已久, 終於可以同愛人見面. 已經差唔多兩個星期冇見啦, 真係好掛住佢呀! 雖然見面o既時間好短暫, 但係已經好開心. 因為只要同愛人一齊, 都會好珍惜見面o既每一刻, 做咩事情都會係開心.

今早番工, 唔算多野做, 12:30pm 放lunch, 就即刻閃出去, 因為今日我要陪我o既愛人一齊食lunch, 任何事實都唔可以阻住我o既, 有殺錯, 冇放過, 阻我者死! 呵呵呵~~~ 我真係好在乎我女朋友, 無時無刻都掛住佢, 當佢有事, 我會緊張佢, 擔心佢. 每當自己唸起佢果時, 自己就會覺得開心, 好似係一種精神力量, 令自己有几辛苦都會支持落去, 努力落去. 我都希望可以俾到我女朋友有這種力量, 希望我係佢o既原動力, 可以因為我而努力奮鬥, 堅持落去, 克服種種o既難關. 只要自己對自己仍然有信心, 唔會放棄自己. ”希望在明天, 前路由我創.” 阿Be, 努力呀, 苦盡甘來, 我深信總有一日會來臨.

去o左葵涌廣場o既”紅樹林”食飯, 佢朝早唔駛番工, 但係佢竟然遲過我到, 搞錯呀! 仲唸住佢會早d黎霸定個靚位添! 唔知點解, 次次食完飯, 佢都唔等我o既, 次次都係自己行o左出去先. 同fd食飯果時, 都唔會有咁o既情況o既. 究竟點會佢會咁樣o既呢? 冇理由因為少少o既飯錢o架, 我唔相信佢係d咁貪小平兒o既人. 我真係唸唔明白呀!

食完lucnh, 抽o左d時間陪下佢, 因為太少時間見面啦, 但係我知道我唔應該咁樣做, 應該要快d番工, 唔好蛇王, 但係我個心, 想陪多佢一陣. 去o左中間個空中公園行下, 行行下去o左最頂o既遊樂場, 搵o左張位坐下. 點解要掉轉黎坐o既? 係都要對住幅牆坐, 面壁思過咩? 不過, 其實我係明白佢o既, 我知道佢係因為唔想見到咁多人望住佢, 所以掉轉黎坐咪見唔到佢地o羅! 不過, 我又唔介意人地望住o架喎, 我地咁恩愛, 怕咩人睇o者!

佢心情麻麻地, 但係我又唔識得點樣安慰到佢, 令佢開心d. 佢唔想因為佢d事, 而令到我煩惱, 但我只係想同佢分擔一下, 想佢會舒服一d, 心情好d. 可能佢份人太獨立啦, 乜野都自己攬晒上身, 令自己壓力太大, 但又唔知可以點樣發洩出黎. 佢唔開心, 我都會唔開心, 我自己又幫唔到佢d乜野, 我見佢咁辛苦, 我自己又咁無能, 我自己都好傷心, 好心痛. 可能我真係好愛佢, 已經成為我生活中o既一部份.

到o左 3:20pm, 終於要同佢分道揚鑣. 我都未能完全令佢開心d, 冇咁煩惱, 但係因為時間o既關係, 真係唔走唔得啦. 我個心都唔係好舒服呀, 見到佢咁辛苦, 咁唔開心, 咁煩惱, 而自己又幫唔到佢d乜野喎, 真係有d擔心佢. 佢唸野咁灰, 咁冇信心, 我真係好驚佢會做傻事呀! 佢係傻瓜黎o架麻, 之前都已經試過添呀, 我已經唔俾佢再做傻事, 而且佢都應誠o左我o架! 希望佢唔好當食生菜啦!

出o左去尖沙咀, 拿兩大塊film. 唔講可能冇人想像得到, d film係點樣o既. 果d film, 唔係平時見到果d相機film咁樣細細筒, 而係一塊塊透明膠片黎o架, 大大塊. 果d film又重, 又大塊, 好難拿, 好難上到車, 好難帶到上大陸, 真係好麻煩o架! 今次叫o左架van仔, 點知佢勁耐先黎到, 等o左我20mins. 黎個van仔司機都几後生喎, 佢仲好留意我個髮型. 佢問我係邊度剪, 剪o左几錢. 我唸佢一定覺得我個髮型几好睇, 几有個性啦, 呵呵呵!

番到公司...... 嘩, 5:00pm o架啦, 好遲呀! 好多野推晒係檯呀, 有排先整理得晒lu, 慘慘啦, 唉!

----------------------------------------------------------------

好想去睇戲呀, 想睇”十分愛”. 緊係想同女朋友去睇啦, 唔知佢有冇時間呢?

唔知點解, 因為女朋友o既事, 令我駛o左好多錢. 可能因為我真心愛佢, 我相信佢, 對佢有信心, 所以先至肯幫佢咁多. 現家我都幫唔到佢几多啦, 幫到o既都盡力去幫o左. 幫人都要有個限度, 唔可以永無休止咁樣幫助落去. 希望女朋友會明白啦, 希望佢唔會因為我咁樣做而唔開心, 覺得我唔錫佢, 嬲嬲我o羅. 而且, 一向都唔會太擔心冇錢駛o既我, 現家真係冇咩流動支金, 黎兩個月都已經盡量駛少d錢o架啦, 希望快d儲番到d錢啦!