4月10日 (星期二)

今日, 人人都開始番工lu, 人地放o左五日長假期, 我唸應該會有好多野做, 會忙個不停. 點知又唔係喎, 今日都唔算忙呀, 可能人地未整理好佢地自己d野掛, 所以未交d野過黎掛.

學生哥未番學, lunch真係輕鬆好多, 大把位坐, 想位邊度就邊度. 今日去o左"五十嵐"食飯, 都有一排冇黎啦, 之前日日都咁忙, 放lunch都遲晒, 俾晒d學生哥霸晒d位啦, 冇機會去食o羅.

下午, 都係冇咩野做, 但係d野係臨收工先黎o既, 真係衰呀, 要我快手快腳做晒佢, 之後收工. 黎几單野咁遲先黎, 搞到又遲走啦, 真係衰!

真係好想快d有人跟下我d野呀, 幫我做緊d, 唔駛我咁辛苦. 但係睇黎, 果個新同事都冇咁快手跟得晒我d野o羅, 我仲要辛苦多一排lu, 真係慘慘, 唉! 努力, 努力, 繼續努力! 真係好無奈呀!

-----------------------------------------------------------------

現家同女朋友見面o既機會太少啦, 一個星期最多只有一次見面o既機會, 仲要唔一定會見到面喎, 真係太少啦! 本來約佢食dinner, 唸住有機會見面, 就唸住想見耐d啦, 點知現家又去唔成, 要轉o左食lunch. Lunch時間咁少, 又去唔到邊度喎, 仲要趕住趕住喎, 想見耐d都唔得, 好慘慘呀~~~ 好想可以同女朋友見面耐d呀, 好想同佢談談情, 好想同佢行街街拍拖仔, 好想...... 總之咩都好想呀, 只要係同女朋友一齊就得啦. 兩個人一齊做乜都唔緊要, 只要大家係一齊就會覺得好開心. 真係好想女朋友可以有多少少空閒o既時間陪到我呀, 我好掛住佢呀~~~