4月7日 (星期六)

復活節, 好多人都有假放, 但係我就冇得放假喎, 慘慘呀~~~ 我都好想有得放假呀, 連續五日長假期喎, 好恨呀!

因為好多公司都放晒假, 我地都冇咩野做, 昨日d野已經清得七七八八, 所以今日我地都蛇王唔番工lu, 呵呵呵!

昨晚, 大鼻問我d遊戲機o既野, 佢想買番陪遊戲機, 但佢黎排又冇咩留意下, 咩都唔清楚, 都唔知買邊陪遊戲機好. 既然放假, 今日咪陪佢出去買遊戲機, 我仲捉埋雀巢去添, 反正佢都冇野做, 留係屋企發呆o既o者!

唸住大鼻會揸車車出去, 點知佢又唔揸喎, 泊位難喎, 唔方便喎! 黎個衰仔, 溝o左條女, 仲拍o左一個月有多啦, 真係神神秘秘. 今年咁多人都拍拖仔o既? 先有John, 之後係我, 再之後係企鵝, 再之後大鼻, 最後到心怡. 唔知賤兔, 雀巢, 高雄, 阿Lun同偉仔, 又會几時會拍拖仔呢? 希望今年個個朋友仔都有情人終成眷屬, 未有情人o既就快d搵到佢地o既情人啦!

出去深水埗黃金, 睇o左一陣遊戲機, 大鼻心大心細, Wii同NDSL, 都唔知買邊陪機好. 叫我去睇o左我d野先喎, 咁我地咪過o左去高登睇電腦野. 買番個靚d o既headphone, 同埋買番條RAM. 最衰上次買o既RAM, 唔o岩公司我自己部機用, 要我去買過, 可惡!

大鼻最後都係買o左Wii, 加加埋埋d野最後都要三千一百蚊呀, 不過唔算貴啦, 一set有咁多野. 唔知佢部Wii好唔好玩呢? 我都未玩過...... 我都好想買遊戲機呀, 我好想買PS3呀, 不過現家好貴, 都唔知几時買好, 半年後, 一年後...... 唉, 有排等啦!

--------------------------------------------------------------

PS. 係間零食店度見到咖啡味o既樂大小熊餅, 係由日本直接入貨o架, 香港一般市面果d舖頭冇得賣o架! 唸住送俾女朋友, 唔知佢鍾唔鍾意呢? 但係我都未食過, 唔知好唔好味o既呢?

終於拆o左利是啦, 真係好surprise呀! 仲以為今年會好少利是錢添, 但原來唔係呀, 反而今年o既利是錢係最多o既一年, 真係好開心呀~~~